చిర్యాల, వెలుగు : రానున్న ఎన్నికల్లో బీజేపీని గెలిపిస్తేనే మంచిర్యాల నియోజకవర్గంలో అభివృద్ధి సాధ్యమవుతుందని ఆ పార్టీ జిల్లా అధ్యక్షుడు వెరబెల్లి రఘునాథ్రావు అన్నారు. రఘునాథ్ ఫౌండేషన్ ఆధ్వర్యంలో సోమవారం మంచిర్యాలలోని ఆర్బీహెచ్వీ స్కూల్ గ్రౌండ్లో మహిళలకు బతకమ్మ చీరలు పంపిణీ చేశారు. ముఖ్యఅతిథులుగా బీజేపీ జాతీయ కార్యవర్గ సభ్యుడు, పెద్దపల్లి మాజీ ఎంపీ డాక్టర్ జి.వివేక్ వెంకటస్వామి, దుబ్బాక ఎమ్మెల్యే బి.రఘునందన్రావు హాజరయ్యారు. ఈ సందర్భంగా రఘునాథ్రావు మాట్లాడుతూ నడిపెల్లి దివాకర్రావును నాలుగుసార్లు గెలిపించినా మంచిర్యాలకు ఆయన చేసిందేమీ లేదన్నారు.
గవర్నమెంట్ హాస్పిటల్లో పేదలకు వైద్యం అందడం లేదని తెలిపారు. ఎమ్మెల్యే క్యాంప్ ఆఫీస్ను పోలీస్ స్టేషన్ పక్కన కట్టుకొని ఎంసీహెచ్ను గంగొడ్డున కట్టారని, అది ఇప్పుడు మునిగిపోతోందన్నారు. మాజీ ఎమ్మెల్సీ ప్రేమ్సాగర్రావు పదవిలో ఉన్నప్పుడు నస్పూర్, మంచిర్యాలలో పేదలకు చెల్లని ఇండ్ల పట్టాలు ఇచ్చి మోసం చేశాడన్నారు. ప్రధాని మోదీ సారథ్యంలో సంక్షేమం, అభివృద్ధికి పాటుపడే బీజేపీకి పట్టం కట్టాలని ఆయన కోరారు.
కార్యక్రమంలో నాయకులు పొనుగోటి రంగారావు, అందుగుల శ్రీనివాస్, కొయ్యల ఏమాజీ, బొమ్మెన హరీశ్గౌడ్, రజినీశ్ జైన్, పెద్దపల్లి పురుషోత్తం, అగల్డ్యూటీ రాజు, డాక్టర్ రఘునందన్ తదితరులు పాల్గొన్నారు.
