రాయ్బరేలి: లోక్సభలో ప్రతిపక్ష నాయకుడు రాహుల్ గాంధీ తన తాత ఫిరోజ్ గాంధీ డ్రైవింగ్ లైసెన్స్ను అందుకున్నారు. మంగళవారం ఉత్తరప్రదేశ్లోని రాయ్బరేలిని సందర్శించిన సందర్భంగా రాయ్బరేలి ప్రీమియర్ లీగ్ క్రికెట్ టోర్నమెంట్ నిర్వాహక కమిటీ సభ్యుడు వికాస్ సింగ్ ఈ డ్రైవింగ్ లైసెన్స్ను రాహుల్కు అందజేశారు. రాహుల్ ఫ్యామిలీకి ఫిరోజ్ గాంధీ లైసెన్స్ను అందజేయాలనే ఉద్దేశంతో చాలా ఏండ్లుగా వికాస్ కుటుంబం ఆ డాక్యుమెంట్ను భద్రపర్చింది.
‘‘చాలా ఏండ్ల క్రితం రాయ్బరేలిలో జరిగిన ఒక కార్యక్రమంలో మా మామగారు ఈ డ్రైవింగ్ లైసెన్స్ను గుర్తించారు. దానిని ఆయన జాగ్రత్తగా భద్రపర్చారు. రాహుల్ గాంధీ రాయ్బరేలికి వస్తున్నారని తెలుసుకొని, ఆ లైసెన్స్ను ఆయనకు ఇవ్వడం మా బాధ్యతగా భావించాం” అని వికాస్ సింగ్ పేర్కొన్నారు.రాహుల్ ఆ లైసెన్స్ను అందుకున్న వెంటనే వాట్సాప్ ద్వారా తన తల్లికి దానిని పంపించారని ఆయన వెల్లడించారు.
