- హైస్పీడ్ రైలు పేరుతో భూసేకరణ
- చట్టవిరుద్ధం : రైల్వే మంత్రి వైష్ణవ్
న్యూఢిల్లీ: అధికారిక అభ్యర్థన లేకుండా హైస్పీడ్ రైలు పేరుతో రాష్ట్ర ప్రభుత్వాలు చేపట్టే భూ సేకరణ చట్ట విరుద్ధమని రైల్వే మంత్రి అశ్వినీ వైష్ణవ్ వెల్లడించారు. ఇందుకు సంబంధించి రాష్ట్ర ప్రభుత్వాలకు తాము ఎటువంటి అధికారిక ఇండెంట్ పంపలేదని స్పష్టం చేశారు. హైదరాబాద్–చెన్నై, హైదరాబాద్–బెంగళూరు, హైదరాబాద్–పుణె హైస్పీడ్ రైలు కారిడార్లపై చర్చించేందుకు కేంద్ర బొగ్గు, గనుల శాఖ మంత్రి జి.కిషన్ రెడ్డి రైల్వే మంత్రి అశ్వినీ వైష్ణవ్తో సమావేశమయ్యారు.
ఈ సందర్భంగా ఆయన పలు కీలక విషయాలు వెల్లడించారు. ప్రస్తుతం 3 కారిడర్లకు సంబంధించి అలైన్మెంట్ సర్వేలు జరుగుతున్నాయని, ఈ దశలో అధికారికి అభ్యర్థన లేకుండా హైస్పీడ్రైలు పేరుతో ఎక్కడైనా భూ సేకరణ జరిపితే అది పూర్తిగా చట్ట విరుద్దమే అవుతుందని హెచ్చరించారు.
