జైపూర్: కాంగ్రెస్ లీడర్ రాహుల్ గాంధీని ఉద్దేశించి ప్రధాని నరేంద్ర మోదీ చేసిన కామెంట్లపై రాజస్థాన్ సీఎం అశోక్ గెహ్లాట్ మండిపడ్డారు. ప్రధాని స్థాయి హోదాలో ఉన్న వ్యక్తి ఇలాంటి చిల్లర కామెంట్లు చేసుడేందని ప్రశ్నించారు. మంగళవారం మధ్యప్రదేశ్లో జరిగిన ర్యాలీలో మోదీ మాట్లాడుతూ.. ‘‘మేడ్ ఇన్ చైనా ఫోన్ అంటున్న ఆ మహాజ్ఞాని.. కింగ్ ఆఫ్ ఫూల్స్(మూర్ఖోంకే సర్దార్). ఫారిన్ కళ్లద్దాలు పెట్టుకున్నోడికి ఇక్కడి డెవలప్మెంట్ ఎట్ల కనిపిస్తది”అని ఎగతాళి చేశారు.
ఈ కామెంట్లను అశోక్ గెహ్లాట్ తప్పుపట్టారు. ‘‘ఇది చాలా దురదృష్టకరం. ప్రధాని పదవికి గౌరవం ఉంది. ఆ పొజిషన్లో ఉన్నోళ్లు ఎక్కువగా విమర్శిస్తే పదవికే మచ్చ. ఆ స్థాయిలో ఉండి దిగజారుడు కామెంట్లుచేసేవాళ్ల నుంచి మనం ఏం ఆశించగలం!’’ అని గెహ్లాట్ అసహనం వ్యక్తం చేశారు. చత్తీస్గఢ్ సీఎం భూపేశ్ బఘేల్ కూడా స్పందించారు. ఇతరులను దూషిస్తున్న తీరుతోనే ఆయనలో ఎంత అహంకారం పెరిగిందో కనిపిస్తోందన్నారు.
