- ఆయనకు ఇస్తే మేం సపోర్ట్ చేయం
- బీఆర్ఎస్ అసమ్మతి నేతల వెల్లడి
భైంసా, వెలుగు: ముథోల్ఎమ్మెల్యే విఠల్ రెడ్డికి బీఆర్ఎస్ పార్టీ ఎట్టి పరిస్థితుల్లోనూ బీఫాం ఇవ్వొద్దని, ఇస్తే ఓటమి ఖాయమని ఆ పార్టీ అసమ్మతి నేత, వ్యవసాయ మార్కెట్కమిటీ చైర్మన్ రాజేశ్ బాబు విజ్ఞప్తి చేశారు. శనివారం భైంసాలో ప్రెస్మీట్నిర్వహించి మాట్లాడారు. విఠల్ రెడ్డిపై ముథోల్ ప్రజలు తీవ్ర అసంతృప్తితో ఉన్నారని, ఆయనకు కేటాయించిన టికెట్ను క్యాన్సల్ చేయాలని పలుమార్లు అధిష్ఠానం దృష్టికి తీసుకువచ్చామన్నారు.
విఠల్ రెడ్డి అనాలోచిత నిర్ణయాలు, ముథోల్ అభివృద్ధిలో వెనుకబడడం, సీనియర్ లీడర్లను పట్టించుకోవడం వంటి కారణాలు వచ్చే ఎన్నికల్లో సీటు కోల్పోయే అవకాశముందన్నారు. అయినా బీఫాం ఎమ్మెల్యేకే ఇస్తే తామంతా సపోర్ట్ చేయలేమని, త్వరలోనే భవిష్యత్ కార్యచరణ రూపొందిస్తామన్నారు. పార్టీఅసమ్మతి నేతలు జీవీ రమణరావు, సౌంవ్లీ రమేశ్, సోలంకి భీంరావు, విశ్వనాథ్ పటేల్, చిన్నారావు, మెండె శ్రీధర్, పండిత్పటేల్ తదితరులున్నారు.
