సూపర్ స్టార్ రజినీకాంత్(Rajinikanth) లేటెస్ట్ బ్లాక్ బస్టర్ మూవీ జైలర్(jailer). అవుట్ అండ్ అవుట్ కమర్షియల్ ఎంటర్టైనర్ గా వచ్చిన ఈ సినిమా బాక్సాఫీస్ దగ్గర ఏకంగా రూ.600 కోట్లకు పైగా వసూళ్లు రాబట్టింది. దర్శకుడు నెల్సన్ కుమార్(Nelson kumar) తెరకెక్కించిన ఈ సినిమా ఆడియన్స్ చేత విజిల్స్ వేయించింది. ఇక తలైవర్ స్క్రీన్ ప్రెజెన్స్ కు ఫ్యాన్స్ అయితే పిచ్చెక్కిపోయారు. ఈ క్రమంలోనే జైలర్ సినిమా సరికొత్త రికార్డ్స్ క్రియేట్ చేసింది. ఆగస్టు 10న ప్రేక్షకుల ముందుకు వచ్చిన జైలర్ మూవీ.. సెప్టెంబర్ 7న ఓటీటీ అమెజాన్ ప్రైమ్ వీడియో(Amazon prime videos)లో రిలీజ్ అయ్యింది.
Also Read :- తికమక పెడుతున్న కళ్యాణ్ రాం డెవిల్.. : రోజుకో పేరుతో ఫ్యాన్స్ అయోమయం
అయితే ఓటీటీలో కూడా జైలర్ సినిమా రికార్డ్స్ క్రియేట్ చేస్తోంది. ప్రపంచవ్యాప్తంగా ఈ సినిమాకు అనూహ్యమైన ఆదరణ లభిస్తోంది. తాజా సమాచారం మేరకు ఏకంగా 36 దేశాలలో ఈ సినిమా ట్రెండింగులో ఉందట. థియేటర్స్ లో మాత్రమే కాకుండా, ఓటీటీలో కూడా ఈ సినిమాకు ఈ రేంజ్లో రెస్పాన్స్ రావడం ఒక రికార్డ్ గానే చెప్పుకుంటున్నారు. ఇది చూసిన రజినీకాంత్ ఫ్యాన్స్ కాలర్ ఎగరేస్తున్నారు. దేశానికే కాదు.. ప్రపంచాయనికి కూడా ఒకే ఒక సూపర్ స్టార్ అది మన రజినీకాంత్ అంటూ కామెంట్స్ చేస్తున్నారు.
