నెట్వర్క్, వెలుగు: దేశం సాంకేతికంగా అభివృద్ధి చెందడానికి ప్రధాన కారకుడు మాజీ ప్రధాని రాజీవ్ గాంధీ అని కాంగ్రెస్ నేతలు కొనియాడారు. ఉమ్మడి ఆదిలాబాద్, కరీంనగర్, నిజామాబాద్ జిల్లాల్లో రాజీవ్ గాంధీ జయంతిని గురువారం ఘనంగా జరుపుకున్నారు. ఆయన ఫొటోలు, విగ్రహాలకు పూలమాలలు వేసి నివాళులు అర్పించి, దేశానికి అందించిన సేవలను గుర్తుచేసుకున్నారు.
ప్రధాని రాజీవ్గాంధీ దేశంలో సాంకేతిక విప్లవాన్ని తీసుకొచ్చారని, అనేక సంస్కరణలకు శ్రీకారం చుట్టారని, ఆధునిక భారత నిర్మాణంలో ఆయన పాత్ర చిరస్మరణీయమని కొనియాడారు. ఆయన ఆశయాలను యువత ముందుకు తీసుకెళ్లాలని పిలుపునిచ్చారు.
