అధికారిక హోదాలో మీరు ఏం చేయలేకపోతే.. కనీసం వ్యక్తిగత హోదాలోనైనా అంబర్పేట బాలుడి కుటుంబానికి సాయం చేయాలని సీని దర్శకుడు రామ్ గోపాల్ వర్మ గ్రేటర్ హైదరాబాద్ మేయర్గద్వాల విజయలక్ష్మిని కోరారు. డాగ్లవర్ అయితే సరిపోదని.. తోటి మనుషులను కూడా ప్రేమించాలని మేయర్ను ట్యాగ్చేస్తూ వర్మ ఇవ్వాల ఉదయం వరుస ట్వీట్లు చేశారు. బాలుడు ప్రదీప్కుటుంబానికి తోటి పౌరులమైన మనం కూడా చేయూతనివ్వాలని, దయ కలిగిన వారు ఎవరైనా ఉంటే ప్రదీప్ తల్లిదండ్రుల జాయింట్అకౌంట్కు డబ్బు పంపి సాయం చేయాలని నగర ప్రజలను కోరారు. కాగా ఇప్పటి వరకు సంబంధిత అధికారులు పట్టించుకోకపోవడం విస్మయం కలిగిస్తోందని ఆర్జీవీ ప్రభుత్వ తీరుపై మండిపడ్డారు.
