ఎల్బీనగర్,వెలుగు : ఎన్ హెచ్ 65 రోడ్డు విస్తరణ పనులకు సంబంధించి భూ సేకరణకు కో ఆర్డినేషన్ తో పని చేయాలని రంగారెడ్డి కలెక్టర్ శశాంక్ సూచించారు. బుధవారం రంగారెడ్డి జిల్లా కలెక్టరేట్ లో ఎల్బీనగర్ నుంచి మల్కాపూర్ వరకు ఆరు లేన్ల రోడ్డు విస్తరణపై కు సంబంధిత అధికారులతో సమీక్ష సమావేశం నిర్వహించి మాట్లాడారు. ఎన్‌‌‌‌హెచ్ -65 పై మహావీర్ హరిణ వనస్థలి పార్క్ (డీర్ పార్క్)
వద్ద 15/0 కి. మీ నుంచి 40/0 కి.మీ వరకు జరగాల్సిన హై వే మరమ్మతుల సమస్యను పరిష్కరించడానికి భూమిని సేకరించాలని స్పష్టంచేశారు. ఈ సమావేశంలో జిల్లా అటవీ శాఖ అధికారి సుధాకర్ రెడ్డి, జిల్లా హై వే అండ్ బిల్డింగ్ ఈఈ ధర్మారెడ్డి, ఇబ్రహీంపట్నం ఆర్డీవో అనంత రెడ్డి, తహశీల్దార్లు, జిల్లా సర్వే లాండ్ ఏడీ శ్రీనివాస్, సంబంధిత శాఖల అధికారులు పాల్గొన్నారు.
