రాజన్నసిరిసిల్ల, వెలుగు: సిరిసిల్ల ప్రజలు కేటీఆర్కు ఎందుకు ఓటేయాలి.. నియోజకవర్గ ప్రజలను పదేండ్లగా దగా చేసినందుకా అని బీజేపీ ఎమ్యెల్యే అభ్యర్థి రాణీరుద్రమ ప్రశ్నించారు. . మంగళవారం ‘కేటీఆర్ ను ప్రశ్నిద్దాం.. పారదోలుదాం’ అనే నినాదంతో 17 అంశాలతో కూడిన చార్జ్ షీట్‌ను విడుదల చేశారు.
ఈ సందర్బంగా రాణీరుద్రమ మాట్లాడుతూ అక్రమ ఇసుక తరలింపును అడ్డుకున్నందుకు నేరేళ్ల దళితులను పోలీసులతో కొట్టించినందుకా.. కేటీఆర్ బంధువులు హాస్టల్ విద్యార్థులను లైంగికంగా వేధించినందుకు ఓటేయాలా అని ప్రశ్నించారు. వర్కర్లను ఓనర్లుగా చేస్తానని.. ఓనర్లు వర్కర్లుగా చేసిన ఘనత కేటీఆర్ దేనన్నారు. సెస్లో రూ. కోట్ల రూపాయల అవినీతికి పాల్పడిన వ్యక్తినే తిరిగి సెస్ చైర్మన్ చేశారని విమర్శించారు.
