పాన్ ఇండియా హీరోయిన్, నేషనల్ క్రష్ రష్మిక మందన్న(Rashmika mandanna) సోషల్ మీడియాలో ఫుల్ ఆక్టివ్ గా ఉంటారు. తన పర్సనల్ విషయాలు, అప్ కమింగ్ సినిమాల విషయాలు ఆడియన్స్ తో పంచుకుంటూ ఉంటారు. ఇటీవల ఈ బ్యూటీ ఈవెంట్ కోసం దుబాయ్ వెళ్లారు. దీనికి సంబంధించిన ఫోటోలను కూడా తన ఫ్యాన్స్ తో పంచుకున్నారు రష్మిక. ఆ ఫొటోలో అందమైన చీరలో దర్శనమిచ్చిన ఈ బ్యూటీ.. దానికి మీరందరూ కలిసి నాకు చీరలపై మరింత ఇష్టాన్ని పెంచేశారు.. అనే క్యాప్షన్ ఇచ్చింది. ప్రస్తుతం ఈ ఫోటోలు సోషల్ మీడియా లో వైరల్ గా మారాయి.
దీంతో రష్మిక ధరించిన ఈ చీర ఖరీదు ఇప్పుడు సోషల్ మీడియాలో హాట్ టాపిక్ గా మారింది. అర్పితా మెహతా డస్ట్ పింక్ చీర ధర దాదాపు రూ. 2.6 లక్షల వరకు ఉంటుందట. అవును మీరు చదివింది నిజమే. ఈ చీరకు ఉన్న ప్రత్యేకత ఏంటంటే.. చీరపై చేసిన ఎంబ్రాయిడరీ పనిని కళాకారులు చేతితో చేశారట. అందుకే ఆ చీర అంత ఖరీదు అని తెలుస్తోంది. ఇక రష్మిక చీర ధర తెలుసుకున్న నెటిజన్స్ అవాక్కవుతున్నారు.
ఇక రష్మిక మందన్న సినిమాల విషయానికి వస్తే.. ప్రస్తుతం ఆమె అల్లు అర్జున్ తో పుష్ప 2 మూవీ చేస్తున్నారు. సుకుమార్ దర్శకత్వంలో పాన్ ఇండియా లెవల్లో తెరకెక్కుతున్న ఈ సినిమా.. వచ్చే ఏడాది ఆగస్టు 15న ప్రేక్షకుల ముందుకు రానుంది.
