ఉస్తాద్ హీరో రామ్ పోతినేని(Ram pothineni) పెళ్లి విషయం ప్రస్తుతం సోసిల్ మీడియాలో తెగ వైరల్ అవుతోంది. అది కూడా ఎవరితోనో కాదు మళయాల కుట్టి అనుపమ పరమేశ్వరన్(Anupama parameswaran) తో. దీంతో ఈ న్యూస్ తెలుసుకోవడానికి నెటిజన్స్ ఆసక్తి చూపిస్తున్నారు. ఈ వార్తల్లో నిజమెంత అనేది తెలుసుకోవడానికి సర్చింగ్ కూడా మొదలుపెట్టేశారు.
అయితే తాజాగా ఈ విషయంపై అనుపమ పరమేశ్వరన్ తల్లి సునీత రియాక్ట్ అయ్యారు. ఈ వార్తల్లో ఎలాంటి నిజం లేదని ఆమె తేల్చిచెప్పేశారు. ప్రస్తుతం అనుపమ తన కెరీర్ పై ఫోకస్డ్ గా ఉన్నారని, తనకు ఇప్పుడప్పుడే పెళ్ళిచేసుకుని ఉద్దేశం లేదని చెప్పుకొచ్చారు. నిజంగా తాను ఎవరినైనా ప్రేమిస్తే తమకు చెప్తినుందని, ఆ అభిప్రాయాన్ని తాము కూడా గౌరవిస్తామని తెలిపారు అనుపమ తల్లి. దీంతో రామ్ పోతినేని, అనుమప పెళ్లి పై వస్తున్న పుకార్లకు చెక్ పడింది.
- ALSO READ | బావతో పెళ్లి.. క్లారిటీ ఇచ్చిన సింగర్ మంగ్లీ
ఇక ఈ ఇద్దరి సినిమాల విషయానికి వస్తే.. రామ్ హీరోగా వచ్చిన లేటెస్ట్ మూవీ స్కంద ఈటీవలే ప్రేక్షకుల ముందుకు వచ్చింది. మాస్ దర్శకుడు బోయపాటి శ్రీను తెరకెక్కించిన ఈ సినిమాకు ఆడియన్స్ నుండి మిక్సుడ్ టాక్ వచ్చింది. ఇక అనుమప ప్రస్తుతం మాస్ మహారాజ రవితేజతో ఈగర్ మూవీ చేస్తున్నారు. పాన్ ఇండియా లెవల్లో రానున్న ఈ సినిమాను కార్తీక్ ఘట్టమనేని తెరకెక్కిస్తున్నారు. ఈ సినిమా వచ్చే ఏడాది ప్రేక్షకుల ముందుకు రానుంది.
