న్యూఢిల్లీ: గుజరాత్‌‌‌‌కు చెందిన రేజన్ సోలార్ ఐపీఓద్వారా రూ. 1,500 కోట్లను సేకరించడానికి సెబీకి డ్రాఫ్ట్ పేపర్‌‌‌‌ను అందజేసింది. ఈ ఐపీఓలో ఆఫర్ ఫర్ సేల్ కాంపోనెంట్ ఉండదు. మొత్తం నిధులను ఫ్రెష్ఇష్యూతోనే సమీకరిస్తారు. ప్రీ- ఐపిఓ రౌండ్‌‌‌‌లో కంపెనీ దాదాపు రూ. 300 కోట్లు సేకరించాలని చూస్తోంది. ప్రీ- ఐపిఓ రౌండ్ జరిగితే, తాజా ఇష్యూ పరిమాణం తగ్గుతుంది.
ఈ కొత్త ఇష్యూ ద్వారా వచ్చే రూ.1,265 కోట్ల ఆదాయాన్ని రేజన్ ఎనర్జీలో పెట్టుబడి పెట్టడానికి, 3.5 గిగావాట్ల సామర్థ్యంతో తయారీ సౌకర్యాన్ని స్థాపించడానికి, సూరత్‌‌‌‌లో టన్నెల్ ఆక్సైడ్ పాసివేటెడ్ కాంటాక్ట్ టెక్నాలజీని ఉపయోగించి సోలార్సెల్స్ను ఉత్పత్తి చేయడానికి, సాధారణ కార్పొరేట్ ప్రయోజనాల కోసం ఉపయోగిస్తారు. 2017లో కార్యకలాపాలు ప్రారంభించిన రేజన్ సోలార్, మార్చి 31, 2025 నాటికి 6 గిగావాట్ల స్థాపిత సామర్థ్యంతో భారతదేశంలోని సోలార్ ఫోటోవోల్టాయిక్ మాడ్యూళ్ల టాప్ 10 తయారీదారులలో ఒకటిగా ఎదిగింది.
