న్యూఢిల్లీ: ప్రస్తుత ఆర్థిక సంవత్సరం రెండో క్వార్టర్ జీడీపీ ఫలితాలు అందరినీ ఆశ్చర్యపరుస్తాయని ఆర్బీఐ గవర్నర్ శక్తికాంత దాస్ అన్నారు. గ్లోబల్ మార్కెట్లలో సమస్యల వల్ల అన్ని దేశాలూ ఇబ్బందులు పడుతున్నాయని, వాటిని మనదేశం సమర్థవంతంగా ఎదుర్కొంటున్నదని చెప్పారు. ఢిల్లీలో మంగళవారం జరిగిన ఓ కార్యక్రమంలో ఆయన మాట్లాడుతూ ప్రైవేట్ సెక్టార్లో రాజీనామాల అంశాన్ని జాగ్రత్తగా గమనిస్తున్నామని చెప్పారు. ముఖ్యంగా పెద్ద బ్యాంకుల్లో రాజీనామాలు 30 శాతం వరకు ఉంటున్నాయని దాస్ అన్నారు. ఇలాంటి సమస్యలను పరిష్కరించడానికి ప్రతి బ్యాంకు కోర్ టీమ్ను అభివృద్ధి చేసుకోవాలని సూచించారు. ఇదిలా ఉంటే ఈసారి మొదటి క్వార్టర్లో మనదేశం 7.8 శాతం జీడీపీ సాధించింది. గత నాలుగు క్వార్టర్లలో ఇదే అత్యధికం.
