- సీఆర్ఆర్, ఎస్ఎల్ఆర్లో నో రిలీఫ్
- హెచ్డీఎఫ్సీ మెర్జర్పై ఆర్బీఐ
ముంబై : క్యాష్ రిజర్వ్ రేషియో (సీఆర్ఆర్), స్టాట్యుటరీ లిక్విడిటీ రేషియో (ఎస్ఎల్ఆర్) ల విషయంలో రిలీఫ్ ఇవ్వడం కుదరదని హెచ్డీఎఫ్సీ బ్యాంకుకి రిజర్వ్ బ్యాంక్ ఆఫ్ ఇండియా (ఆర్బీఐ) స్పష్టం చేసింది. పేరెంట్ కంపెనీ హెచ్డీఎఫ్సీతో మెర్జర్కు ముందు కొన్ని మినహాయింపులు కావాలని హెచ్డీఎఫ్సీ బ్యాంకు ఆర్బీఐని కోరింది. కాకపోతే ప్రయారిటీ సెక్టార్ లెండింగ్లో మాత్రం కొంత రిలీఫ్ ఇవ్వడానికి ఆర్బీఐ సానుకూలత వ్యక్తం చేసినట్లు హెచ్డీఎఫ్సీ బ్యాంకు రెగ్యుటేటరీ ఫైలింగ్స్లో వెల్లడించింది.
దేశ కార్పొరేట్ చరిత్రలోనే అతి పెద్ద మెర్జర్ హెచ్డీఎఫ్సీ–హెచ్డీఎఫ్సీ బ్యాంకులదే కానుంది. ఈ డీల్ విలువ 40 బిలియన్ డాలర్లు. మెర్జర్ ప్రపోజల్ను కిందటి ఏడాది ఏప్రిల్ నెలలోనే ప్రకటించారు. అవసరమైన రెగ్యులేటరీ అప్రూవల్స్ కోసం ఎదురు చూస్తున్నారు. కొన్ని అంశాలలో క్లారిటీ కోసం ఆర్బీఐని కోరామని, ఇందులో కొన్నింటికి ఇప్పటికే బదులు వచ్చిందని, మరి కొన్నింటికి జవాబు రావల్సి ఉందని హెచ్డీఎఫ్సీ బ్యాంకు పేర్కొంది. మెర్జర్ ఎఫెక్టివ్ డేట్ నుంచే సీఆర్ఆర్, ఎస్ఎల్ఆర్, లిక్విడిటీ కవరేజ్ రేషియో (ఎల్సీఆర్) రూల్స్ను హెచ్డీఎఫ్సీ బ్యాంకు పాటించాలని ఆర్బీఐ సూచించింది. ఈ విషయంలో ఎలాంటి మినహాయింపులూ సాధ్యం కాదని బ్యాంకుకు ఆర్బీఐ తెలిపింది.
మెర్జర్ ఎఫెక్టివ్ డేట్ కంటే ముందుగా సబ్సిడరీ కంపెనీలయిన హెచ్డీఎఫ్సీ లైఫ్ ఇన్సూరెన్స్ కంపెనీ, హెచ్డీఎఫ్సీ ఎర్గో జనరల్ ఇన్సూరెన్స్ కంపెనీలలో వాటాను 50 శాతానికి మించి పెంచుకునేందుకు మాత్రం హెచ్డీఎఫ్సీ, హెచ్డీఎఫ్సీ బ్యాంకులకు ఆర్బీఐ నుంచి అనుమతి దొరికింది. ఈ ఏడాది జులై నాటికి మెర్జర్ ప్రక్రియ పూర్తి కావచ్చనే ఆశాభావాన్ని హెచ్డీఎఫ్సీ బ్యాంకు కిందటి వారంలో జరిగిన ఎనలిస్టుల కాన్ఫరెన్స్ కాల్లో వ్యక్తం చేసింది.
