చిన్న స్వామి స్టేడియంలో ఆతిథ్య బెంగళూరు సత్తా చాటింది. బ్యాటింగ్, బౌలింగ్ లో చెలరేగి ఢిల్లీ క్యాపిటల్స్ ను 23 పరుగుల తేడాతో మట్టి కరిపించింది. టాస్ ఓడి బ్యాటింగ్ కు దిగిన బెంగళూరు నిర్ణీత 20 ఓవర్లలో 6 వికెట్లు కోల్పోయి 174 పరుగులు చేసింది. 175 పరుగుల లక్ష్యంతో బరిలోకి దిగిన ఢిల్లీ.. తొలి దశలోనే కోలుకోలేని దెబ్బతగిలింది. పవర్ ప్లేలోనే 4 వికెట్లు కోల్పోయి కష్టాల్లో పడింది.
ఓపెనర్ ప్రత్వీషా, వన్ డౌన్ లో వచ్చిన మిచెల్ మార్ష్ ఖాతా తెరవకుండానే గోల్డెన్ డక్ గా వెనుదిరిగారు. యశ్ దల్ ఒక్క పరుగుకే వెనుదిరిగాడు. తర్వాత వచ్చిన మనీష్ పాండే (50, 38 బంతుల్లో).. కెప్టెన్ డేవిడ్ వార్నర్ తో (19, 13 బంతుల్లో) కలిసి ఇన్నింగ్స్ నిలబెట్టే ప్రయత్నం చేశాడు. అయినా వార్నర్ త్వరగా ఔట్ అయ్యేసరికి మళ్లీ మ్యాచ్ బెంగళూరు చేతిలోకి వెళ్లింది.
తర్వాత వచ్చిన బ్యాట్స్ మెన్ అక్షర్ పటేల్ (21, 14 బంతుల్లో), అమన్ హకిమ్ ఖాన్ (18, 10 బంతుల్లో), నోకియా (23, 14 బంతుల్లో) రాణించినా మ్యాచ్ ఫలితాన్ని మార్చలేకపోయారు. ఢిల్లీ బ్యాట్స్ మెన్ భాగాస్వామ్యాన్ని ఎక్కువ సేపు క్రీజ్ లో నిలబడ నివ్వలేదు బెంగళూరు బౌలర్లు. దాంతో 23 పరుగుల తేడాతో ఢిల్లీపై గెలుపు సాధించింది. బెంగళూరు బౌలర్లలో సిరాజ్ రెండు వికెట్లు పడగొట్టాడు. విజయ్ కుమార్ కు 3 వికెట్లు దక్కాయి. హర్షల్, హసరంగ, పార్నెల్ కు చెరో వికెట్ దక్కింది.
అంతకు ముందు టాస్ ఓడి బ్యాటింగ్ కు వచ్చిన బెంగళూరు నిర్ణీత 20 ఓవర్లలో 6 వికెట్లు కోల్పోయి 174 పరుగుల చేసింది. టాప్ ఆర్డర్ దాటిగా ఆడినా త్వరత్వరగా వికెట్లు పడే సరికి భారీ స్కోరు చేయలేకపోయింది. వికెట్ పడకుండా ఆపేందుకు మిడిల్ ఆర్డర్ నెమ్మదిగా ఆడారు. ఓపెనర్లు విరాట్ కోహ్లీ హాఫ్ సెంచరీ (50, 34 బంతుల్లో)తో చెలరేగాడు.
కెప్టెన్ డుప్లెసిస్ (22, 16 బంతుల్లో) మంచి ఆరంభాన్ని అందించినా.. తక్కువ స్కోరుకే ఔట్ అయ్యాడు. తర్వాత వచ్చిన బ్యాట్స్ మెన్ మహిపాల్ లామ్ రోర్ (26, 18 బంతుల్లో), మాక్స్ వెల్ (24, 14 బంతుల్లో) ఢిల్లీ బౌలర్లపై ఎదురుదాడి చేసినా.. ఎక్కువ సేపు క్రీజులో నిల్వ లేకపోయారు. దాంతో 150 పరుగుల్లోనే బెంగళూరు 5 కీలక వికెట్లు కోల్పోయింది.
చివర్లో అహ్మద్ (20, 12 బంతుల్లో), అనుజ్ రావత్ (15, 22 బంతుల్లో) మరో వికెట్ పడకుండా స్కోర్ ను పెంచే ప్రయత్నం చేశారు. ఫినిషర్ రోల్ లో వచ్చిన దినేష్ కార్తిక్ మరోసారి ఫెయిల్ అయ్యాడు. కుల్దీప్ యాదవ్ బౌలింగ్ లో గోల్డెన్ డక్ గా పెవిలియన్ చేరాడు. ఢిల్లీ బౌలర్లలో కుల్దీప్ యాదవ్, మిచెల్ మార్ష్ చెరో రెండు వికెట్లు, అక్షర్ పటేల్, లలిత్ యాదవ్ కు తలా ఓ వికెట్ పడగొట్టారు.
