హైదరాబాద్లోని అంబేద్కర్ విగ్రహ రూపశిల్పీ ఆయనే
నోయిడా/ముంబై: గుజరాత్లోని ‘స్టాచ్యూ ఆఫ్ యూనిటీ’ విగ్రహ రూపశిల్పి రామ్ సూతార్ వందేండ్ల వయసులో వృద్ధాప్య సంబంధ అనారోగ్యంతో బుధవారం రాత్రి నోయిడాలో కన్నుమూశారు. గాంధీ, అంబేద్కర్, శివాజీ వంటి ప్రతిష్టాత్మక విగ్రహాలతో ఆయన గుర్తింపు పొందారు. హైదరాబాద్ లో ఏర్పాటు చేసిన అంబేద్కర్ విగ్రహాన్ని కూడా ఆయనే రూపొందించారు.
మహారాష్ట్రలోని ధులే జిల్లా గొందూర్లో1925 ఫిబ్రవరి 19న సూతార్ జన్మించారు. ముంబై జేజే స్కూల్ ఆఫ్ ఆర్ట్ అండ్ ఆర్కిటెక్చర్ నుంచి గోల్డ్ మెడల్ తీసుకున్నారు. ఆయనకు 1999లో పద్మశ్రీ, 2016లో పద్మభూషణ్ పురస్కారాలు దక్కాయి. రామ్ సూతార్ మృతికి రాష్ట్రపతి ముర్ము, ప్రధాని మోదీ, ప్రముఖులు సంతాపం తెలిపారు.
