నటి రేణు దేశాయ్ కల్కి 2898 ఏడీ సినిమా చూశారు. ఈరోజు(జూన్ 27) ఉదయం ఆమె తన ఫ్యామిలీ మెంబర్స్ తో కలిసి హైదరాబాద్ లోని ప్రసాద్స్ మల్టీప్లెక్స్ లో ఆమె ఈ సినిమా వీక్షించారు. ఇక్కడ విశేషం ఏంటంటే.. రేణు దేశాయ్ తనయుడు అకిరా కూడా ఈ షోకి వచ్చారు. అది కూడా కల్కి ట్ షర్ట్ లో. ప్రస్తుతం దానికి సంబంధించిన వీడియో కూడా వైరల్ గా మారింది. ఇక కల్కి 2898 ఏడీ సినిమా చూసిన అనంతరం రేణు దేశాయ్ తన రివ్యూ ఇచ్చారు.
తన ఇన్స్టాగ్రామ్ ఈ మేరకు ఓ పోస్ట్ కూడా పెట్టారు. మేమంతా కల్కి అభిమానులం. చాలా కాలం తర్వాత ఒక సినిమా చూస్తూ అరిచి గోల చేసాం. కనీసం ఒక వారం రోజులైనా మా గొంతు పనిచేయవేమో. ఈ రోజు ఉదయమే కల్కి మార్నింగ్ షో చూశాం. మీరు కూడా మీ కుటుంబాలతో కలిసి వెళ్లి ఖచ్చితంగా కల్కి సినిమా చూడండి.. అని రాసుకొచ్చారు రేణు దేశాయ్. ప్రస్తుతం ఆమె చేసిన ఈ పోస్ట్ సోషల్ మీడియాలో వైరల్ గా మారింది.
ఇక కల్కి సినిమా విషయానికి వస్తే.. రెబెల్ స్టార్ ప్రభాస్, డైరెక్టర్ నాగ్ ఆశ్వన్ కాంబోలో వచ్చిన ఈ సినిమా నేడు(జూన్ 27) ప్రేక్షకుల ముందుకు వచ్చింది. విడుదలకు ముందే భారీ అంచనాలు క్రియేట్ చేసిన ఈ సినిమా.. విడుదల తరువాత ఆ అంచనాలను అందుకోవడంలో సూపర్ సక్సెస్ అయ్యింది. కథ, కథనం, విజువల్ ఎఫెక్ట్స్, మహాభారతానికి లింక్ చేసిన విధానం, భవిష్యత్ ప్రపంచాన్ని క్రియేట్ చేసిన తీరుకు ఆడియన్స్ ఫిదా అవుతున్నారు. దాంతో.. రానున్న రోజుల్లో ఈ సినిమా రికార్డ్స్ క్రియేట్ చేయడం ఖాయంగా కనిపిస్తోంది.
