హైదరాబాద్: హైదరాబాద్లో రాబరీ గ్యాంగ్ హల్ చల్ చేశారు. కార్లను దొంగతనం చేస్తూ.. రోడ్లపై ర్యాష్ డ్రైవింగ్ చేస్తూ బీభత్సం సృష్టించారు. ఈ ఘటన వనస్థలిపురం పరిధిలోని ఇంజాపూర్ సాగర్ హైవేపై చోటుచేసుకుంది. గుర్రంగూడ నుంచి ఇంజాపూర్ వైపు ఓ వ్యక్తి కారులో వెళ్తున్నాడు. ఈ క్రమంలో అక్కడే కాపు కాసిన ఓ రాబరీ గ్యాంగ్ ఆ వ్యక్తిని అడ్డుకుని దాడి చేసి కారుతో అక్కడి నుంచి ఉడాయించారు.
కాసేపటి తరువాత అదే రహదారిపై ర్యాష్ డ్రైవింగ్ చూస్తూ రోడ్డు వెంట వెళ్తున్న వారిని ఢీకొట్టుకుంటూ పారిపోయేందుకు యత్నించారు. గమనించిన స్థానికులు ఓ అంబులెన్స్ లో వెళ్లి చేజ్ చేసి కారుతో పాటు రాబరీ గ్యాంగ్ లో ఇద్దరిని పట్టుకున్నారు. నిందితులపై పోలీసులు కేసు నమోదు చేసుకుని మిగతా నిందితుల కోసం పోలీసులు తీవ్రంగా గాలిస్తున్నారు.
