బాహుబలి, ఆర్ఆర్ఆర్ చిత్రాలకు రైటర్‌‌‌‌గా పని చేసిన అజయ్ సామ్రాట్ దర్శకత్వం వహిస్తున్న సినిమా ‘రుద్రంగి’. జగపతి బాబు, మమతా మోహన్ దాస్, ఆశిష్ గాంధీ, విమలా రామన్ ప్రధాన పాత్రలు పోషిస్తున్నారు. రసమయి బాలకిషన్ నిర్మిస్తున్నారు. ఈ చిత్రం నుంచి ఇప్పటికే విడుదలైన ఫస్ట్ లుక్ పోస్టర్స్, సాంగ్స్ కు మంచి రెస్పాన్స్ వచ్చింది. ఈ నేపథ్యంలో తాజాగా ఈ సినిమా నుంచి టైటిల్ సాంగ్ ను రిలీజ్ చేశారు.
'త్యాగాలే నిను తలచి తలవంచి .. మొక్కాలే మా తల్లి నీకమ్మా, నవ్వేటి పువ్వులే గోసరిల్లి వసివాడిపోయెనే మా యమ్మా .. రుద్రంగి ' అంటూ ఈ పాట సాగుతోంది. నాఫల్ రాజా సంగీతాన్ని సమకూర్చిన ఈ పాటకి మానుకోట ప్రసాద్ సాహిత్యాన్ని అందించగా, కైలాశ్ ఖేర్ ఆలపించాడు. ఏప్రిల్ 28వ తేదీన ఈ సినిమాను రిలీజ్ కానుంది.
