కలర్ ఫొటో, బేబీ చిత్రాలతో దర్శకుడిగా ప్రూవ్ చేసుకోవడంతోపాటు నేషనల్ అవార్డ్ విన్నింగ్ డైరెక్టర్‌‌‌‌‌‌‌‌గా మంచి గుర్తింపును అందుకున్నారు సాయి రాజేష్. ఇటీవల ‘చెన్నై లవ్‌‌‌‌స్టోరీ’ చిత్రానికి కథను అందించి నిర్మాణంలోనూ భాగస్వామిగా ఉంటూ సక్సెస్ సాధించారు. తాజాగా తానే ఓ సొంత బ్యానర్‌‌‌‌‌‌‌‌ను ఏర్పాటు చేశారు. ‘మిట్టి అండ్ మూన్ ఫిలిమ్స్‌’ పేరుతో కొత్త బ్యానర్‌‌‌‌‌‌‌‌ను స్టార్ట్ చేసి తన ఫస్ట్ మూవీని అనౌన్స్ చేశాడు. ‘మైనా’ టైటిల్‌‌‌‌తో ఈ చిత్రాన్ని నిర్మిస్తున్నట్టు ప్రకటించారు.
ఈ చిత్రాన్ని మైత్రీమూవీ మేకర్స్ సహకారంతో నిర్మిస్తున్నట్టు తెలియజేశారు. ఈ సినిమా ద్వారా చంటిబాబు అనే నూతన దర్శకుడిని ఇండస్ట్రీకి పరిచయం చేస్తున్నారు. ఈ సందర్భంగా విడుదల చేసిన కాన్సెప్ట్ పోస్టర్ ఆకట్టుకుంది. ఓ మహిళ చేతికి ఇనుప కంచె వేసినట్టుగా చూపిస్తూ.. దానిపై ఇద్దరు జంటలు, రెండు సీతాకోక చిలుకలు ఉండటం ప్రత్యేక ఆకర్షణగా నిలుస్తోంది.
మణిశర్మ ఈ చిత్రానికి సంగీతం అందిస్తున్నారు. ఇక ఈ బ్యానర్‌ ప్రారంభంపై సాయి రాజేష్ స్పందిస్తూ.. ‘‘ఇదొక నూతన ఆరంభం. గొప్ప సినిమా అంటే పెద్ద బడ్జెట్లు కాదు, గొప్ప ఆలోచనలు. కొత్త టాలెంట్‌‌‌‌ను ఎంకరేజ్ చేయడానికి మా నిర్మాణ సంస్థ సిద్ధంగా ఉంది’ అని తెలియజేశారు.
