సల్మాన్ ఖాన్ హీరోగా న‌‌‌‌‌‌‌‌టిస్తున్న చిత్రం ‘బ్యాటిల్ ఆఫ్ గల్వాన్’. యాక్షన్‌ మూవీస్‌‌‌‌‌‌‌‌కు కేరాఫ్ అయిన అపూర్వ లఖియా దీన్ని డైరెక్ట్ చేస్తున్నాడు. రీసెంట్‌‌‌‌‌‌‌‌గా టైటిల్‌‌‌‌‌‌‌‌ను అనౌన్స్‌ చేశారు. తాజాగా ఇందులో నటించబోయే హీరోయిన్‌‌‌‌‌‌‌‌ను రివీల్ చేశారు. సల్మాన్ ఖాన్‌‌‌‌‌‌‌‌కు జంటగా చిత్రాంగద సింగ్ నటించబోతోంది. దర్శకుడు అపూర్వ లఖియా ఈ విషయాన్ని ప్రకటించాడు. ‘బాబ్ బిశ్వాస్‌’ లాంటి చిత్రాల్లో ఆమె నటన చూసి ఈ ప్రాజెక్ట్‌‌‌‌‌‌‌‌కు ఎంపిక చేసినట్టు ఆయన చెప్పారు.
సల్మాన్, చిత్రాంగద కాంబినేషన్‌‌‌‌‌‌‌‌లో వస్తున్న తొలి సినిమా ఇదే కానుంది. 2020లో చైనా ఆర్మీతో గల్వాన్ వ్యాలీలో జరిగిన యుద్ధంలో భారత జవాన్లు చూపిన ధైర్యసాహసాల నేపథ్యంలో ఈ సినిమా ఉండబోతోంది. శివ్ అరూర్, రాహుల్ సింగ్ రాసిన ‘ఇండియాస్ మోస్ట్ ఫియర్‌‌‌‌‌‌‌‌లెస్ 3’ అనే బుక్ ఆధారంగా దీనిని తెరకెక్కిస్తున్నారు. అతి త్వరలో షూటింగ్ ప్రారంభం కానుంది.
