హైదరాబాద్, వెలుగు: సెన్సార్ బోర్డు అడ్వయిజరీ ప్యానల్ మెంబర్ గా అంతర్జాతీయ మెజీషియన్ సామల వేణు నియమితులయ్యారు. ఈ మేరకు కేంద్ర సమాచార ప్రసార మంత్రిత్వ శాఖ ఉత్తర్వులు జారీ చేసింది. సామల వేణు రెండేండ్ల పాటు ఈ పదవిలో ఉండనున్నారు. గతంలో రెండుసార్లు చిల్డ్రన్ ఫిల్మ్ ఫెస్టివల్ కు ఆయన జ్యూరీ మెంబర్ గా వ్యవహరించారు.
42 ఏండ్లుగా 34కు పైగా దేశాల్లో 7 వేల కంటే ఎక్కువ మ్యాజిక్షోలను నిర్వహించారు. దేశంలో వివిధ ప్రాంతాలతో పాటు విదేశాల్లో సైతం భారత దేశ సంస్కృతిని బలోపేతం చేయటానికి సామల వేణు ఎంతో కృషి చేశారు. ఆయన కృషిని గుర్తించిన కేంద్రం సెన్సార్ బోర్డు అడ్వయిజరీ మెంబర్ గా నియమించింది.
