హైదరాబాద్, వెలుగు: ప్రైవేట్ జీవిత బీమా సంస్థ జనరలి సెంట్రల్ లైఫ్ ఇన్సూరెన్స్ సంపూర్ణ్ సమాధాన్ ప్లాన్ అనే కొత్త ప్లాన్ను గురువారం (అక్టోబర్ 23) ప్రారంభించింది. ఇది టర్మ్ యూనిట్ లింక్డ్ ఇన్సూరెన్స్ ప్లాన్ (టులిప్) అని కంపెనీ ప్రకటించింది. ఈ ప్లాన్ జీవితబీమాను అందించడంతోపాటు సంపదనూ సృష్టిస్తుంది.
వినియోగదారులకు వార్షిక ప్రీమియంకు 100 రెట్ల వరకు లైఫ్ కవరేజీని, మార్కెట్- లింక్డ్ పెట్టుబడుల ద్వారా వృద్ధి అవకాశాన్ని అందిస్తుంది. పాలసీదారులు తమ ఆర్థిక లక్ష్యాలకు అనుగుణంగా ప్రీమియం చెల్లింపు వ్యవధి, పాలసీ కాలాన్ని ఎంచుకోవచ్చు. సెల్ఫ్ కంట్రోల్ లేదా స్మార్ట్ పెట్టుబడి విధానాల ద్వారా పెట్టుబడులను మార్చుకోవచ్చు.
సంస్థ 10వ, 11వ, 12వ 13వ పాలసీ సంవత్సరాల చివర్లో, కొంత మొత్తాన్ని చెల్లిస్తుంది. దీనితో పాటు, రెండు ఆప్షనల్ రైడర్లను కూడా అందిస్తోందని జనరలి సెంట్రల్ సీఈఓ అలోక్ రూంగ్తా చెప్పారు.
