హైదరాబాద్, వెలుగు: రిలయన్స్ కన్స్యూమర్ ప్రొడక్ట్స్ లిమిటెడ్ (ఆర్సీపీఎల్)తో హైదరాబాద్కు చెందిన కన్ఫెక్షనరీ కంపెనీ సాంప్రే చేతులు కలిపింది. 15 కోట్ల వార్షిక ఆదాయం అంచనాతో మూడేళ్లకు తయారీ ఒప్పందం కుదుర్చుకుంది. ఆర్సీపీఎల్కు ఇది న్యూట్రాస్యూటికల్, ఆహార పదార్థాలను తయారు చేసి అందిస్తుంది.
నైజీరియాలోని టోలారామ్ వెల్నెస్ లిమిటెడ్తో రూ. 10 కోట్ల వార్షిక వ్యాపారం, రామా ఎక్స్‌‌‌‌పోర్ట్స్‌‌‌‌తో రూ. 15 కోట్ల విలువ గల ఒప్పందాలు చేసుకున్నామని తెలిపింది. రూ. 355.06 కోట్ల విలువైన ఎఫ్‌‌‌‌సీసీబీల ఇష్యూ కు కూడా ఆమోదం లభించిందని సాంప్రే ప్రకటించింది.
