భార‌త టెన్నిస్ స్టార్‌ సానియా మీర్జా, పాకిస్థాన్ క్రికెటర్ షోయబ్ మాలిక్ దంపతులు త్వరలో విడాకులు తీసుకుంటున్నట్లుగా వార్తలు వస్తున్న నేపథ్యంలో వారిద్దరి గురించి మరో వార్త బయటికొచ్చింది. షోయబ్ మాలిక్ దంపతులు కలిసి త్వరలో ఓ షో చేయబోతున్నారు. ప్రముఖ పాకిస్థానీ ఓటీటీ ప్లాట్ ఫామ్ ఉర్దూ ఫ్లెక్స్ లో ‘మీర్జా మాలిక్’ అనే టాక్ షో మొదలుకానుంది.
ఈ కార్యక్రమంలో సానియా మీర్జా, షోయబ్ మాలిక్ కలిసి హోస్ట్‌గా చేయబోతున్నారు. ఇదే విషయాన్ని ఉర్దూప్లెక్స్‌ అఫిషియల్‌ ఇన్‌స్టాగ్రామ్‌లో షేర్‌ చేసింది. ఈ షో కపిల్ శర్మ టాక్ షో తరహాలోనే ఉంటుందని సమాచారం. దీంతో వీరిద్దరి మధ్య ఎలాంటి విభేదాలు లేవని ఇరువురి అభిమానులు చర్చించుకుంటున్నారు. సానియా మీర్జా, షోయబ్ మాలిక్ 2010 ఏప్రిల్ లో వివాహం చేసుకున్నారు. ఈ జంటకు 2018లో కుమారుడు పుట్టాడు. అతడి పేరు ఇజాన్ మీర్జా మాలిక్. సానియా మీర్జా దంపతులు ప్రస్తుతం దుబాయ్ లో ఉంటున్నారు.
