ఖానాపూర్, వెలుగు: కవ్వాల్ టైగర్ రిజర్వ్ ఫారెస్ట్ పరిధిలోని ఖానాపూర్ రేంజ్ లో ఫారెస్ట్ అధికారులు ఏర్పాటు చేసిన సాసర్ పిట్ లు వన్య ప్రాణుల దాహార్తి తీర్చుతున్నాయి. సాసర్ పిట్ల వద్దకు నీరు తాగేందుకు వచ్చిన జంతువుల ఫొటోలు అక్కడ ఏర్పాటు చేసిన సీసీ కెమెరాల్లో చిక్కాయి. ఈ ఫొటోలను ఖానాపూర్ ఫారెస్ట్ రేంజర్ జి.వినాయక్ విడుదల చేశారు. రేంజ్ పరిధిలో చిరుతతో పాటు దుప్పులు, ఎలుగుబంట్లు, అడవి పందులు, నీలగాయిలు ఉన్నాయని తెలిపారు. అటవీ శాఖ అధికారుల అనుమతులు లేకుండా ఎవరూ అటవీ ప్రాంతంలోకి వెళ్లొద్దని సూచించారు.
