స్టేట్ బ్యాంక్ ఆఫ్ ఇండియా (SBI) దేశవ్యాప్తంగా 8283 జూనియర్ అసోసియేట్స్ (క్లరికల్ కేడర్) ఉద్యోగాల భర్తీని ప్రకటించింది. వీటిలో హైదరాబాద్‌లో 525 ఖాళీలు అందుబాటులో ఉన్నాయి. నోటిఫికేషన్ ప్రకారం, ఏదైనా డిగ్రీ ఉన్న అభ్యర్థులు లేదా చివరి సంవత్సరం/సెమిస్టర్ పరీక్షలు పూర్తి చేసిన అభ్యర్థులు దరఖాస్తు చేసుకోవడానికి అర్హులు.
పోస్టులకు దరఖాస్తు చేయడానికి దరఖాస్తుదారులు తప్పనిసరిగా 20 - 28 సంవత్సరాల మధ్య ఉండాలి. జనరల్ కేటగిరీ అభ్యర్థులు రూ. 750 దరఖాస్తు రుసుము చెల్లించవలసి ఉంటుంది. అయితే, SC/ ST/PWD అభ్యర్థులకు మాత్రం దరఖాస్తు రుసుము నుంచి మినహాయింపు ఇచ్చారు. ప్రిలిమినరీ, మెయిన్స్ పరీక్షలు ఆన్‌లైన్‌లో నిర్వహించనుండగా, ఈ పోస్టులకు దరఖాస్తులు సమర్పించడానికి చివరి తేదీ డిసెంబర్ 7.
SBI తాత్కాలికంగా జూనియర్ అసోసియేట్ ప్రిలిమినరీ పరీక్షను జనవరి 2024లో నిర్వహించాల్సి ఉండగా, ప్రధాన పరీక్షను ఫిబ్రవరి 2024లో నిర్వహించాల్సి ఉంది. మరింత సమాచారం కోసం వెబ్‌సైట్‌ను సందర్శించండి.
