బిటన్ కింగ్ చార్లెస్ 3ను ఓ చిన్నారి అడిగిన ప్రశ్న ఇప్పుడు చర్చనీయాంశం అవుతోంది. కింగ్ చార్లెస్ మీ వయసు ఎంత అని అడిగిన చిన్నారికి ఆయన చిరునవ్వుతో సమాధానం ఇచ్చారు. ఆ చిన్నారి ముద్దుముద్దుగా మాట్లాడుతూ అడిన ప్రశ్నకు అక్కడున్న టీచర్లు, చార్లెస్ తో సహా అంతా పక్కున నవ్వుకున్నారు. ఇంతకీ కింగ్ ఛార్లెస్ ఇచ్చిన సమాధానం వింటే ఇంకా ఆశ్యర్యంగా అనిపిస్తుంది.
జీరో వాల్తామ్‌స్టోవ్‌ను సందర్శించడానికి చార్లెస్ 3 తూర్పు లండన్‌కి వెళ్లారు. అక్కడ ఆయన బార్న్‌ క్రాఫ్ట్‌ ప్రైమరీ స్కూల్‌ విద్యార్థులను కలిశారు. వారితో రాజు కాసేపు ఆనందంగా ముచ్చటించాడు. చార్లెస్ ఆ విద్యార్థులతో సెలవులు గురించి, లంచ్‌ సమయం గురించి కొన్ని కుశల ప్రశ్నలు వేశారు. ఈ చిన్నారుల్లో ఒకరు ప్రిన్స్ అంటూ జెండా ఊపుతూ చార్లెస్‌ని ఉత్సహాపరిచాడు. మరో చిన్నారి చార్లెస్‌ని మీ వయసు ఎంత అని అడగ్గా.. ఆయన తనదైన శైలిలో గెస్ చేయండి అని నవ్వుతూ సమాధానమిచ్చారు. ఇలాంటి చమత్కర ప్రశ్నలకు తనదైన హాస్యాని చార్లెస్ పండించడం మొదటిసారి కాదు. ఇంతకుముందు కామెన్‌వెల్త్‌ గేమ్‌ 2022 ప్రారంభోత్సవ వేడుకల్లో ఒక వ్యక్తి మనం బీర్‌ వద్దకు వెళ్లగలమా అని ప్రశ్నిస్తే ఇలానే హాస్యాన్ని పండించాడు.
