మధ్యాహ్న భోజనం సమయంలో ఇద్దరు విద్యార్థుల మధ్య మొదలైన గొడవ చిలికి చిలికి గాలి వానలా మారింది. ఒక విద్యార్థి మరో విద్యార్థిపై కత్తితో దాడి చేయడంతో బాధితుడు తీవ్రంగా గాయపడి ఆసుపత్రి పాలయ్యాడు. ఈ ఘటనతో కోపోద్రిక్తులైన హిందూ సంఘాలు రోడ్లపై ఆపి ఉన్న వాహనాలను తగలబెట్టడంతో ఉదయపూర్ రణరంగంగా మారిపోయింది. పరిస్థితి చేయి దాటిపోయేలా కనిపించడంతో పోలీసులు 144 సెక్షన్ విధించారు.
ఏం జరిగిందంటే..?
పోలీసుల తెలిపిన వివరాల ప్రకారం, ఇద్దరు విద్యార్థులు ఒకే తరగతిలో చదువుతున్నారని, మధ్యాహ్న భోజనం సమయంలో వీరి మధ్య గొడవ జరిగింది. ఈ గొడవ అనంతరం ఒక విద్యార్థి బయటకు వెళ్లగా.. నడుచుకుంటూ వెళ్తున్న సదరు విద్యార్థిపై మరొక విద్యార్థి కత్తితో దాడి చేశాడు. కత్తిపోట్లకు బలైన విద్యార్థి రక్తపు మడుగులో అక్కడిక్కడే కుప్పకూలిపోయాడు. వెంటనే పాఠశాల ఉపాధ్యాయులు అతన్ని ఆస్పత్రికి తరలించగా, ఐసీయూలో ఉంచి చికిత్స అందిస్తున్నారు.
ఈ విషయం తెలుసుకున్న హిందూ సంఘాలు ఆస్పత్రికి చేరుకోవడంతో పరిసరాలు రణరంగంగా మారిపోయాయి. వారికి మరికొందరు యువకులు తోడై ఆస్పత్రి ప్రాంగణం బయట ఉన్న దుకాణాలను బంద్ చేపించారు. అదే సమయంలో రోడ్లపై ఆపి ఉన్న వాహనాలకు నిప్పుపెట్టారు. సమాచారం అందుకున్న పోలీసులు, ఉన్నతాధికారులు ఘటనా స్థలికి చేరుకొని ఉద్రిక్త పరిస్థితిని అదుపులోకి తెచ్చారు. ముందస్తు జాగ్రత్తగా 144 సెక్షన్ విధించారు. కత్తితో దాడి చేసిన విద్యార్థి మరో మతానికి చెందిన విద్యార్థి అన్నట్లు కథనాలు వస్తున్నాయి. అందువల్లనే, హిందూ సంఘాలు చోటుచేసుకున్నట్లు ప్రచారం జరుగుతోంది.
BREAKING: Massive outrage and communal tension in Udaipur, Rajasthan, after a Dalit Hindu minor student, studying in the 10th standard, was brutally attacked by an Islamist student inside the school premises. The perpetrator assaulted him multiple times with knife.
— Treeni (@TheTreeni) August 16, 2024
Entire… pic.twitter.com/E8f3hflOrj
ఈ ఘటనపై జిల్లా కలెక్టర్ అరవింద్ పోస్వాల్ మాట్లాడుతూ.. పోలీసులు దర్యాప్తు చేస్తున్నారని, విషయం ఏమిటో ఇంకా తెలియరాలేదని తెలిపారు.
★उदयपुर स्कूली बच्चों में चाकूबाजी का मामला
— Udaipur District Collector & Magistrate (@UdaipurDm) August 16, 2024
★जिला कलेक्टर अरविंद पोसवाल और पुलिस अधीक्षक योगेश गोयल मौजूद हैं एमबी अस्पताल में
★कलेक्टर बोले घायल बच्चे का बेस्ट डॉक्टर्स की टीम कर रही है उपचार
★ बच्चे के जल्द रिकवर होने की है उम्मीद शहरवासी अफवाहों पर नहीं दे ध्यान pic.twitter.com/Vy7HDe0WZ2
