కరీంనగర్ రూరల్, వెలుగు : కారులో అక్రమంగా తరలిస్తున్న రూ.35 లక్షల నగదును పోలీసులు సీజ్ చేశారు. కరీంనగర్ రూరల్ మండలం బొమ్మకల్ గ్రామ పరిధిలోని గుంటూరుపల్లి వద్ద పోలీసులు వాహనాల తనిఖీ చేపట్టారు. ఓ కారును ఆపి తనిఖీ చేయగా అందులో అక్రమంగా తరలిస్తున్న రూ.35లక్షల నగదు దొరికింది. దీంతో ఆ నగదును సీజ్ చేశామని రూరల్ పోలీస్ స్టేషన్ సీఐ ప్రదీప్ కుమార్ తెలిపారు.
పెద్దపల్లి జిల్లా ఎలిగేడు మండలం శివపల్లికి చెందిన పొల్సాని అనీల్రావు, దుగ్యాల సంతోష్రావు, పాలేపు సుధాకర్, తుర్కలమద్దికుంటకు చెందిన ముత్యాల నరేష్ ఓ కారులో ఆ నగదును తరలిస్తుండగా పట్టుకున్నామని సీఐ చెప్పారు .నగదుకు సంబంధించి ఆధారాలు చూపించకపోవడంతో క్యాష్ సీజ్ చేసి డిస్ట్రిక్ గ్రీవెన్స్ కమిటీకి అప్పగించిచామని వెల్లడించారు.
