సిద్దిపేట రూరల్, వెలుగు: ఇందిరమ్మ ఇండ్లను వేగంగా నిర్మించుకోవాలనికలెక్టర్ హైమావతి లబ్ధిదారులకు సూచించారు. మంగళవారం చిన్నకోడూరు మండలంలోని గంగాపూర్ లో ఇందిరమ్మ ఇండ్లకు ముగ్గు పోసే కార్యక్రమానికి హాజరై పరిశీలించారు. గ్రామంలో 18 ఇండ్లు మంజూరు కాగా ఇప్పటివరకు 12 ఇండ్లకు ముగ్గు పోశారు. కలెక్టర్మాట్లాడుతూ.. ఇందిరమ్మ ఇండ్లు నిర్మించుకోవడానికి డబ్బులు లేని పేదలకు ఐకేపీ ద్వారా లోన్ అందించాలని డీఆర్డీవో పీడీ జయదేవ్ ఆర్యను ఆదేశించారు.
ఇసుక కొరత రాకుండా టోకెన్లు అందించాలని తహసీల్దార్, ఎంపీడీవో కు సూచించారు. అనంతరం చంద్లాపూర్ గ్రామంలో గల పీవీ నరసింహారావు పశుసంవర్ధక పాలిటెక్నిక్ కాలేజీ ఆవరణలో మొక్కలు నాటారు. నవోదయ విద్యాలయాల్లో 6వ తరగతిలో ప్రవేశాలకు దరఖాస్తులు ఆహ్వానిస్తున్నట్లు కలెక్టర్ తెలిపారు. కలెక్టరేట్ లో అడ్మిషన్ల పోస్టర్ను ఆవిష్కరించారు. జూలై 29 వరకు అప్లై చేసుకోవచ్చన్నారు. ఉమ్మడి వరంగల్ జిల్లాలోని చేర్యాల, ధూల్మిట్ట, కొమురవెల్లి, మద్దూరు మండలాలకు చెందిన స్టూడెంట్స్మాత్రమే అప్లయ్ చేసుకోవాలని సూచించారు.
మెనూ ఎందుకు పాటించడం లేదు ?
కోహెడ: మండల కేంద్రంలోని ప్రభుత్వ స్కూల్ను కలెక్టర్హైమావతి ఆకస్మికంగా తనిఖీ చేశారు. రోజువారీ మెనూ ఎందుకు పాటించడం లేదని, మధ్యాహ్న భోజన నిర్వాహకులను, ప్రిన్సిపాల్మహమూద్ ను ప్రశ్నించారు. ఆలుగడ్డ కూర మాత్రమే వండారని, సాంబారు చేయలేదని నిలదీశారు. డైనింగ్ హాల్ ఉన్నా ఆరు బయట స్టూడెంట్స్కు భోజనం వడ్డించడంపై కలెక్టర్ అసహనం వ్యక్తం చేశారు. స్టూడెంట్స్కు విద్య, బోధన, భోజనం విషయంలో అలసత్వం ప్రదర్శిస్తే కఠిన చర్యలు తీసుకుంటానని హెచ్చరించారు.
అంతకుముందు మండల సమాఖ్య భవనం లో స్టీల్ బ్యాంక్ ను పరిశీలించారు. ప్లాస్టిక్ను పూర్తిగా నిషేధించాలని సూచించారు. మండలంలోని మోయతుమ్మెద వాగు నుంచి ఇసుక తరలిస్తున్న ట్రాక్టర్ను ఆపి ఇందిరమ్మ ఇళ్ల నిర్మాణం కోసం టోకెన్ లు తీసుకుని వేరొకచోటికి మళ్లిస్తున్నట్లు గుర్తించారు. ఇసుక అక్రమ రవాణా చేస్తే ఉపేక్షించేది లేదని హెచ్చరించారు. కలెక్టర్ వెంట డీపీవో దేవకిదేవి, ఎంపీడీవో కృష్ణయ్య, ఏపీఎం తిరుపతి, ఎంపీవో శోభ ఉన్నారు.
