అమావాస్య.. ఆదివారం వచ్చిందంటే జనాలు భయపతారు. సరిగ్గా ఇప్పుడు అలాంటి రోజు 2026 జనవరి లో వచ్చింది. ఆరోజు పుష్యమాసం అమావాస్య. ఆ రోజున పంచగ్రహకూటమి కూడా ఉంది. పురాణాల ప్రకారం ఈ అమావాస్యను మౌని అమావాస్య అంటారు. ఆ రోజు మంచిదా .. చెడ్డదా.. అలాంటి మౌని అమావాస్య ఎప్పుడు వచ్చింది.. ఆ రోజు ఏం చేయాలి.. ఎలాంటి నియమాలు పాటించాలి ....ఏమేమి చేయకూడదు.. ఆరోజుకు ఉన్న ప్రాధాన్యత గురించి తెలుసుకుందాం. . .!
హిందువులు ప్రతి రోజు తిథి .. వార నక్షత్రాలు చూసుకుంటారు. ఆ రోజు ఏం చేయాలి.. ఎలా ఉండాలి.. పండితులు ఏం చెప్పారు.. ఆరోజుకు ఉండే విశిష్టత ఏమిటి.. మొదలగు విషయాలను తెలుసుకుంటాం.. అదే అమావాస్య అయితే ఆరోజు ఎలాంటి నియమాలు పాటించాలి.. ఎలా ఉండాలి అనే విషయాల గురించి ఆలోచిస్తుంటారు.
పురాణాల ప్రకారం పుష్యమాసంలో వచ్చే అమావాస్యను ( జనవరి 18) మౌని అమావాస్య అంటారు. ఆ రోజు చాలా పుణ్య తిథి... పుణ్య నదుల్లో స్నానం చేసి పితృదేవతలకు తర్పణాలు వదిలితే ఉత్తమ లోకాలకు చేరుకుంటారని పురాణాలు చెబుతున్నాయి. .
మౌని అమావాస్య 2026 ఎప్పుడు?
2026 లో, మౌని అమావాస్య జనవరి 18 న జరుపుకుంటారు. అమావాస్య తేదీ జనవరి 18 న తెల్లవారుజామున 12:03 గంటలకు ప్రారంభమై జనవరి 19 న తెల్లవారుజామున 1:21 గంటలకు ముగుస్తుంది. ఉదయతిథి సంప్రదాయం ప్రకారం, ఈ పండుగ జనవరి 18 న జరుపుకుంటారు.
మౌని అమావాస్య రోజున చేయాల్సిన పనులు...
- బ్రహ్మముహూర్తంలో నిద్రలేచి.. మందుగా భూమాతకు నమస్కారం చేయాలి. ఎవరితో మాట్లాడకుండా.. కాలకృత్యాలు తీర్చుకొని స్నానం చేసి ..సూర్య నమస్కారాలు చేయాలి.
- ఆ తరువాత దగ్గరలో కృష్ణ, గోదావరి లాంటి పుణ్య నదులు ఉంటే నదీతీరంలో స్నానం చేయాలి
- అవకాశం లేకపోతే ఇంటిదగ్గరే పంపు దగ్గర కాని.. నుయ్యి ( బావి) వద్ద కాని స్నానం చేయాలి.
- అపార్ట్ మెంట్ కల్చర్ లో అది కుదరదు కనుక వాష్ రూంలో స్నానం చేసేటప్పుడు ట్యాప్ తిప్పుకొని ముందుగా ఆనీటికి నమస్కరిస్తూ .. గంగేచ, యమునేచ,గోదావరీ, సరస్వతీ, నర్మదే సింధు కావేరి,జల అస్మిన్ సన్నిధం కురు అనే మంత్రాన్ని పఠించి స్నానం చేయాలి.
- సబ్బు కాని.. షాంపో కాని వాడకూడదు.
- శ్రీహరి.. లక్ష్మీదేవి.. గంగామాతను పూజించి.. హారతి ఇవ్వాలి.
- శివాలయానికి వెళ్లి నవగ్రహాలకు ప్రదక్షిణ చేసి.. శివుడికి రుద్రాభిషేకం చేయాలి.
- కాలభైరవుడిని పూజించాలి.
- ప్రత్యక్ష దైవం సూర్య భగవానుడికి నీరు సమర్పించాలి.
- అవకాశం ఉంటే మౌన వ్రతం పాటించాలి.
- మౌని అమావాస్య రోజున మౌనం పాటించడం వల్ల ఎంతో పుణ్యం లభిస్తుంది
- మౌని అమావాస్య రోజున భగవంతునని నామం మనసులోనే జపిస్తూ ఉండాలి. అవకాశం ఉంటే ఆరోజు తపస్సులో నిమగ్నమై ఉంటే భగవంతుని అనుగ్రహం పొందుతారు
- మౌని అమావాస్య రోజున (జనవరి 18) మీ ఇంటికి ఎవరైనా బిచ్చగాడు వస్తే, వారిని ఖాళీ చేతులతో తిరిగి పంపొద్దు. మీ సామర్థ్యం మేరకు ఎంతో కొంత దానం చేయాలి.
- తరువాత పితృదేవతలకు వారి పేర్లు చదువుతూ మూడుసార్లు నువ్వులు.. నీళ్లు కలిపి తర్పణాలు వదలాలి.
- ఓం పితృ దేవతాయై నమః అనే మంత్రాన్ని 11 సార్లు జపించాలి.
- ఆరోగ్యాన్ని అనుసరించి .. ఉపవాస దీక్షను ఆచరించాలి. బ్రాహ్మణులకు స్వయం పాకం ఇవ్వాలి.
- శక్తిని బట్టి అన్నదానం.. వస్త్రదానం చేయాలి
- సాయంత్రం తులసి మొక్క దగ్గర ఆవు నెయ్యి దీపం వెలిగించాలి.
- సాయంత్రం మీ ఇంటికి దక్షిణ దిశలో నాలుగు వైపుల దీపం వెలిగించండి
హిందూ పురాణాల ప్రకారం కాకి, జలంలో ఉండే జీవరాసులు.. అగ్ని, గోమాతను పూర్వీకులకు సంబంధించినదిగా భావిస్తారు. అందుకే ఎవరైనా చనిపోయినప్పుడు పెద్దలను తలుచుకుంటూ కాకి పిండం అని సంభోదించి కాకులకు ఆహారం పెడతారు. మౌని అమావాస్య రోజున ( జనవరి 18) కొన్ని ప్రత్యేక ఆహారాలు తయారు చేసి పెట్టాలి. ఒకవేళ కాకులు లేకపోతే దగ్గరలో చెరువులు కాని.. నదులు కాని ఉంటే వాటిలో కలుపుతారు. అది కూడా అందు బాటులో ఆవుకు పెట్టడం కాని.. అగ్నిలో ఇతం చేయడం కాని చేస్తుంటారు. మౌని అమావాస్య రోజున పితృ దేవతలకు నువ్వులు ..నీళ్లు కలిపి తర్పణాలు వదలడం వలన పితృదేవతల అనుగ్రహంతో పాటు శని దేవుడు, శివయ్య అనుగ్రహం లభిస్తుందని పురాణాలు చెబుతున్నాయి.
మౌని అమావాస్య రోజు చేయకూడని పనులు..
- జనవరి 18న స్నానం చేసేంత వరకు ఎవరితోనూ మాట్లాడకూడదు. మౌని అంటే మౌనం అని అర్దం
- సూర్యోదయానికి ముందే నిద్రలేవాలి...కాలకృత్యాలు తీర్చుకొని స్నానం చేసిన తరువాత సంకల్పం చెప్పుకోవాలి.
- సూర్యోదయం తరువాత నిద్రలేచే వారికి రాక్షస లక్షణాలు ఉంటాయని పురాణాలు చెబుతున్నాయి.
- మౌని అమావాస్య రోజు శాంతంగా ఉండాలి. ఎవరితోనూ దురుసుగా ప్రవర్తించకూడదు.. ఎదుటివారు దుర్భాషలాడినా శాంతంగా సమాధానం చెప్పాలి.
- ఎవరితోనూ వాదన పెట్టుకోకూడదు. అనవసరంగా మాట్లాడకూడదు. చాలా మితంగా మాట్లాడాలి.
- పేదలను, నిస్సహాయంగా ఉండేవారిని అవమానించవద్దు. ఇలా చేయడం వల్ల మీరు శని దేవుని ఆగ్రహానికి గురవుతారు
- మౌని అమావాస్య రోజున నిర్జీవ ప్రదేశాలకు, స్మశానవాటికల దగ్గరకు వెళ్లకూడదు. ఆ ప్రదేశాల్లో క్షుద్ర శక్తులు ఉంటాయి. అమావాస్య రోజున వాటికిశక్తి చాలా ఎక్కువుగా ఉంటుంది.
- అమావాస్య రోజున మర్రి చెట్టు దగ్గరకు వెళ్లవద్దు.. ఎందుకంటే ఆ చెట్టు దగ్గర ప్రతికూలశక్తులు ఉంటాయి.
- ఆరోజున ( 2026 జనవరి 18) పొరపాటున కూడా ఎవ్వరినీ మోసం చేయకూడదు. ఈరోజు మీరు ఏదైనా తప్పుడు పని చేస్తే అనేక పాపాల్లో భాగస్వామి కావాల్సి వస్తుంది
