రిథమిక్గా పాటలు పాడే టాలెంట్ ఉంది. గిటార్ ప్లే చేయడం కూడా వచ్చు. బెస్ట్ సింగర్గా పేరు తెచ్చుకోవాలంటే ఇంకా ఇంప్రూవ్ కావాలి. అందుకని మ్యూజిక్ స్కూల్లో చేరాలి అనుకున్నాడు. కానీ, ఫీజు కట్టడానికి అవసరమైన డబ్బులు లేవు. తన టాలెంట్ని నమ్ముకుని వీధుల్లో పాటలు పాడి ఫీజుకి సరిపడా డబ్బులు సంపాదించాడు ముంబయికి చెందిన షకీల్. రెండు మూడు రోజులుగా అతను పాట పాడుతున్న వీడియో ఇంటర్నెట్లో వైరల్ అవుతోంది.
‘ముంబయి మ్యూజిక్ ఇనిస్టిట్యూట్‌’లో జాయిన్ అవ్వాలి, ఫేమస్ సింగర్ అవ్వాలనేది షకీల్ డ్రీమ్. ఆ డ్రీమ్ని నిజం చేసుకునేందుకు వీధుల్లో గిటార్ వాయిస్తూ పాత హిందీ పాటలు పాడాడు. హిందీ సినిమా ‘జుర్మ్’లోని ఫేమస్ ట్రాక్ ‘జబ్ కోయి బాత్ బిగడ్ జాయే’ పాడుతున్న షకీల్ వీడియోని అంకిత్ అనే వ్యక్తి ట్విట్టర్లో పెట్టాడు. గత రెండు రోజులుగా ఆ వీడియో ఇంటర్నెట్లో వైరల్ అవుతోంది. గిటార్ మీద ట్యూన్స్ పలికిస్తూ అందర్నీ ఎంటర్టైన్ చేస్తున్నాడు షకీల్. ఒక అట్టముక్క మీద తన ఇన్స్టాగ్రామ్ అకౌంట్తో పాటు గూగుల్ పే, ఫోన్ పే లింక్ ఉన్న ఫోన్ నెంబర్ రాసి పెట్టాడు. ఆ పేపర్ మీద ‘మీరు చేస్తున్న సాయానికి థ్యాంక్స్. మీరిచ్చే డబ్బులతో మ్యూజిక్ స్కూల్ ఫీజు కడతాను’ అని కూడా ఉంటుంది. అతడి పాటని ఎంజాయ్ చేయడమే కాకుండా తలా కొంత డబ్బు పంపించారు కొందరు. బాలీవుడ్ హీరోలు హృతిక్ రోషన్, కునాల్ కపూర్లకి షకీల్ వాయిస్ నచ్చింది. అతడి సిచ్యుయేషన్ తెలుసుకుని సాయం చేసేందుకు ముందుకొచ్చారు. దాంతో రెండు రోజుల్లోనే షకీల్కి మ్యూజిక్ స్కూల్ ఫీజుకు సరిపడా డబ్బులు జమయ్యాయి. షకీల్ పాట విన్న వాళ్లంతా ‘బ్రిలి యంట్ సింగర్’ అంటూ కామెంట్లు చేస్తున్నారు.
గర్వంగా ఫీలవుతున్నా
‘‘నా వీడియో చూసిన వాళ్లకి, నన్ను ఎంకరేజ్ చేసిన వాళ్లకి, డబ్బులు ఇచ్చిన వాళ్లకి సపోర్ట్ చేసిన బాలీవుడ్ స్టార్స్కి కూడా థ్యాంక్స్. నాకు నచ్చిన పని చేస్తున్నందుకు చాలా సంతోషంగా ఉంది. ఈ రోజు వరకు కూడా నన్ను కన్నవాళ్లకి, ఫ్రెండ్స్కి నేను ఏం చేస్తున్నానో తెలియదు. స్ట్రీట్ పర్ఫార్మర్ అయినందుకు గర్వంగా ఫీలవుతున్నా. నా ఐడెంటిటీని అందరితో చెప్పుకునేంత ధైర్యం ఇప్పుడు వచ్చింది” అన్నాడు ఈ యంగ్ సింగర్.
