కోల్బెల్ట్/నస్పూర్, వెలుగు: సింగరేణి కంపెనీ వార్షిక నిర్దేశిత బొగ్గు ఉత్పత్తి లక్ష్యాన్ని చేరుకునేందుకు ఉద్యోగులంతా కృషి చేయాలని సింగరేణి డైరెక్టర్(ప్రాజెక్ట్, ప్లానింగ్) కె.వెంకటేశ్వర్లు సూచించారు. మంగళవారం శ్రీరాంపూర్తోపాటు మందమర్రి ఏరియా కల్యాణిఖని ఓపెన్కాస్ట్, కేకే-5 అండర్ గ్రౌండ్ గనులను డైరెక్టర్ సందర్శించారు. ఈ సందర్భంగా గనుల్లో బొగ్గు ఉత్పత్తి,ఉత్పాదకత,పనిస్థలాలను తనిఖీ చేశారు.
అనంతరం జీఎం ఆఫీసుల్లో ఏరియాల జీఎంలు, శ్రీనివాస్, దేవేందర్తో కలిసి రివ్యూ నిర్వహించారు. ప్రతి ఒక్కరూ అంకితభావంతో పనిచేసినప్పుడే నిర్దేశిత లక్ష్యాలను చేరుకోవచ్చన్నారు. వర్షాకాలంలో ఉత్పత్తికి ఆటంకం కలగకుండా చర్యలు తీసుకోవాలని సూచించారు. బెల్లంపల్లి, రామగుండం రీజియన్ సేఫ్టీ జీఎంలు రఘుకుమార్, మధుసూదన్, ఎస్వోటూ జీఎంలు ఎన్.సత్యనారాయణ, విజయప్రసాద్ తదిత రులు పాల్గొన్నారు.
