నవీపేట్, వెలుగు: పదేండ్ల బీఆర్ఎస్ పాలనలో జరిగిన అభివృద్ధి ఏమీ లేదని మాజీ మంత్రి, కాంగ్రెస్బోధన్ అభ్యర్థి సుదర్శన్రెడ్డి వాపోయారు. సోమవారం ఆయన నవీపేట్ మండలంలోని కోస్లీ, ఫకీరాబాద్, మిట్టాపూర్, యాంచ, అల్జాపూర్, నందిగామ తదితర గ్రామాల్లో ఎన్నికల ప్రచారం నిర్వహించారు. కాంగ్రెస్ హయాంలో పేద పిల్లలకు ట్రిపుల్ఐటీలు కట్టిస్తే, బీఆర్ఎస్ ప్రభుత్వం పిల్లలకు అన్నం పెట్టడానికి కూడా చేతకావడం లేదని ఎద్దేవా చేశారు. కాంగ్రెస్ ఆరు గ్యారెంటీలను ప్రజలకు వివరించారు. కార్యక్రమంలో బోధన్ మున్సిపల్ చైర్పర్సన్పద్మ, కౌన్సిలర్శరత్ రెడ్డి, మాజీ మున్సిపల్ చైర్మన్ ఎల్లయ్య, మాజీ జడ్పీటీసీ శ్రీనివాస్ గౌడ్, ఎంపీపీలు రామచందర్, లీడర్లు బాల్ రాజ్ గౌడ్, సుధాకర్ రావు తదితరులు పాల్గొన్నారు.
