ఒక్క దెబ్బకు మూడు రికార్డులు బ్రేక్: మహిళల వన్డే క్రికెట్ హిస్టరీలోనే తొలి ప్లేయర్‎గా స్మృతి రేర్ ఫీట్

న్యూఢిల్లీ: ఈ ఏడాది ఫుల్ ఫామ్‎లో ఉన్న టీమిండియా మహిళా స్టార్ క్రికెటర్ స్మృతి మందనా రికార్డుల మీద రికార్డులు సృష్టిస్తోంది. ఈ నేపథ్యంలోనే వన్డే ఫార్మాట్‏లో తాజాగా మరో మూడు అరుదైన రికార్డులు సొంతం చేసుకుంది మందనా. మహిళల వన్డే క్రికెట్ చరిత్రలో ఒక క్యాలెండర్ ఇయర్‎లో 1000 పరుగులు చేసిన ఏకైక ప్లేయర్‌గా రికార్డ్ సృష్టించింది. ఉమెన్స్ వరల్డ్ కప్‎లో భాగంగా విశాఖపట్నంలో ఆదివారం (అక్టోబర్ 12) ఆస్ట్రేలియాతో జరిగిన మ్యాచులో మందనా ఈ ఫీట్ నెలకొల్పింది.

దీంతో పాటుగా భారత్ తరుఫున వన్డేల్లో 5 వేల పరుగులు పూర్తి చేసుకున్న రెండో మహిళా క్రికెటర్‎గా నిలిచింది. ఈ జాబితాలో మందనా కంటే ముందు టీమిండియా మాజీ కెప్టెన్ మిథాలీ రాజ్ ఉన్నారు. మిథాలీ వన్డేల్లో 7,805 పరుగులు చేసి -భారత్‏తో పాటు మహిళల వన్డేల్లో అత్యధిక పరుగులు చేసిన తొలి మహిళా క్రికెటర్‎గా కొనసాగుతున్నారు.