మెదక్ జిల్లా నిజాంపేటలో దారుణం జరిగింది. మద్యం తాగేందుకు, కారు కొనేందుకు డబ్బులు ఇవ్వలేదని తల్లిని కొట్టి, ఇంటికి నిప్పు పెట్టాడు కొడుకు. ఆలస్యంగా వెలుగులోకి వచ్చిన ఈ ఘటనకు సంబంధించి వివరాలిలా ఉన్నాయి...
నిజాంపేట మండలం నస్కల్ గ్రామానికి చెందిన గౌతమ్ రెడ్డి మద్యానికి బానిసయ్యాడు. ఓ రోజు మద్యం తాగేందుకు, కారు కొనేందుకు డబ్బులు ఇవ్వాలని తల్లి రజినితో గొడవకు దిగాడు గౌతమ్ రెడ్డి. డబ్బులు ఇచ్చేందుకు తల్లి ఒప్పుకోకపోవడంతో విచక్షణారహితంగా దాడి చేశాడు గౌతమ్ రెడ్డి.
గౌతమ్ రెడ్డి దాడిలో తీవ్రంగా గాయపడింది తల్లి రజిని. ఈ ఘటనపై పోలీసులకు ఫిర్యాదు చేసింది బాధితురాలు. తల్లి ఫిర్యాదు మేరకు గౌతమ్ రెడ్డిని అరెస్ట్ చేసి రిమాండ్ కు తరలించారు పోలీసులు.
