నిర్మల్, వెలుగు: 14 ఏండ్ల నుండి కొనసాగుతూ ఇప్పటికీ పూర్తికాని కాళేశ్వరం హై లెవెల్ కాలువ ఎత్తిపోతల పథకాన్ని మంత్రి కేటీఆర్ ఎలా ప్రారంభిస్తారంటూ కాంగ్రెస్ పార్టీ నాయకుడు శ్రీహరి రావు ఆధ్వర్యంలో ఆందోళన చేపట్టారు. శ్రీహరిరావు ఏకంగా హెలిపాడ్ వద్దకే చేరుకొని బీఆర్ఎస్కు, మంత్రి కేటీఆర్కు వ్యతిరేకంగా నినాదాలు చేశారు. ఎన్నికలు సమీపిస్తున్నందునే కేవలం ప్రజలను పక్కదోవ పట్టించేందుకు కాళేశ్వరం లక్ష్మీనరసింహస్వామి ఎత్తిపోతల పథకాన్ని ప్రారంభిస్తున్నారని ఫైర్ అయ్యారు.
ఇప్పటికీ 50 శాతం పనులు కూడా పూర్తి కాలేదన్నారు. అలాంటి పథకాన్ని అదరాబాదరాగా ప్రారంభించడం వెనక కారణమేమిటని ప్రశ్నించారు. వెంటనే పోలీసులు అక్కడికి చేరుకొని శ్రీహరిరావుతో పాటు మరి కొంత మంది పార్టీ కార్యకర్తలను బలవంతంగా సారంగాపూర్ పోలీస్ స్టేషన్కు తరలించారు.
