ముంబై: స్టార్టప్ క్యారియర్ అకాశ ఎయిర్ జూన్లో ముంబైలో తన మొదటి విమానాన్ని డెలివరీ తీసుకోనుంది. ఈ ఎయిర్‌‌‌‌‌‌‌‌‌‌‌‌‌‌‌‌క్రాఫ్ట్కు అమెరికాలోని బోయింగ్ పోర్ట్‌‌‌‌ల్యాండ్ ఫెసిలిటీలో తుది మెరుగులు దిద్దుతున్నట్లు తెలిపింది. ప్రముఖ ఇన్వెస్టర్ రాకేష్ జున్‌‌‌‌జున్‌‌‌‌వాలా ఇన్వెస్ట్మెంట్లు ఉన్న అకాశ ఎయిర్ జూలై నాటికి తన కార్యకలాపాలను ప్రారంభించనుందని సంస్థ తెలిపింది. దేశీయ మార్గాల్లో మార్చి 2023 నాటికి 18 విమానాలను నడపాలని ఎయిర్‌‌‌‌లైన్ యోచిస్తోంది. మెట్రోతో పాటు టైర్ -2/3 నగరాలపై ఫోకస్ చేసింది. ముంబైకి చెందిన ఈ క్యారియర్ నిరుడు అక్టోబర్‌‌‌‌లో పౌర విమానయాన మంత్రిత్వ శాఖ నుండి నాన్-–అబ్జెక్షన్ సర్టిఫికేట్ పొందింది. అధిక సామర్థ్యం గల 737 మ్యా క్స్, 737–-8-200 అనే రెండు రకాల 72 బోయింగ్ విమానాల కోసం కిందటి నవంబర్‌‌‌‌లో కంపెనీ అమెరికా విమానాల తయారీ సంస్థ బోయింగ్‌‌‌‌తో 9 -బిలియన్ డాలర్ల విలువైన ఒప్పందంపై సంతకం చేసింది. ఈ విమానాలకు సీఎఫ్ఎం లీప్బీ ఇంజిన్లు ఉంటాయి.
