- కాంగ్రెస్ నేత, ఎమ్మెల్సీ జీవన్ రెడ్డి
కరీంనగర్, వెలుగు : పంచాయతీ సెక్రటరీల నియామకంలో కాంట్రాక్ట్ఉల్లఘించిన ప్రభుత్వం, వారిని చర్చలకు పిలవకుండా ఆలస్యం చేయడం సరికాదని కాంగ్రెస్ సీనియర్ నేత, ఎమ్మెల్సీ జీవన్ రెడ్డి అన్నారు. యూనియన్లు, సకల జనుల సమ్మెలు లేకుంటే తెలంగాణ రాష్ట్రం వచ్చేదా అని ప్రశ్నించారు.
శనివారం కరీంనగర్ కలెక్టరేట్ ఎదుట జేపీఎస్లు నిర్వహిస్తున్న దీక్షలో పాల్గొని వారికి సంఘీభావం తెలిపారు. ఈ సందర్భంగా ఆయన మాట్లాడుతూ ఉద్యమ సమయంలో కాంట్రాక్ట్, ఔట్ సోర్సింగ్ వ్యవస్థను శాశ్వతంగా రద్దు చేస్తామని చెప్పిన కేసీఆర్ సీఎం అయ్యాక మాటా మార్చారని విమర్శించారు. జేపీఎస్లను ఉద్యోగాల్లోంచి తీసేస్తామనడం సరికాదని, ప్రభుత్వం బేషరతుగా వారిని చర్చలకు పిలవాలని డిమాండ్ చేశారు.
