చక్కెర ప్రొడక్షన్​ తగ్గనుంది!

చక్కెర ప్రొడక్షన్​ తగ్గనుంది!

న్యూఢిల్లీ: అక్టోబర్​తో మొదలయ్యే నెక్స్ట్​ సీజన్​లో చక్కెర ప్రొడక్షన్​కొంచెం తగ్గనుందని అంచనా వేస్తున్నారు. 2021–22 సీజన్​లో ఈ ప్రొడక్షన్​ 30.5 మిలియన్​ టన్నులుగా ఉంటుందని,  ఇథనాల్​ తయారీ కోసం చెరకును డైవర్ట్ చేయడమే దీనికి కారణమని సీనియర్​ గవర్నమెంట్​ ఆఫీసర్​  వెల్లడించారు. ​సెప్టెంబర్​తో ముగిసే ప్రస్తుత సీజన్​లో పంచదార ఉత్పత్తి 31 మిలియన్​ టన్నుల దాకా ఉండొచ్చని అంచనా. చక్కెర ప్రొడక్షన్​లో బ్రెజిల్​ తర్వాత రెండో ప్లేస్ మనదే. చెరకు పంట ఈ ఏడాది బాగానే ఉందని, కాకపోతే ఇథనాల్​ తయారీకి చెరకును మళ్లించడం వల్లే చక్కెర ప్రొడక్షన్​ తగ్గుతుందని అంచనా వేస్తున్నామని ఫుడ్​ మినిస్ట్రీలో జాయింట్​ సెక్రటరీ సుబోధ్​ కుమార్​ సింగ్​ చెప్పారు. ప్రస్తుత సీజన్​లో కూడా చక్కెర ప్రొడక్షన్​ కోసం ఉద్దేశించిన 2 మిలియన్​ టన్నుల చెరకును ఇథనాల్​ కోసం మళ్లించినట్లు తెలిపారు. 2021–22 సీజన్​లో ఇది మరింత పెరిగి 3.5 మిలియన్​టన్నులకు చేరుతుందని పేర్కొన్నారు.