జకర్తా: ఇండోనేసియాలోని సుమత్రా ద్వీపంలో భూకంపం సృష్టించిన విలయంలో మృతుల సంఖ్య భారీగా పెరిగింది. ఈ ప్రకృతి విపత్తులో ఇప్పటివరకు 279 మంది ప్రాణాలు కోల్పోయినట్లు శనివారం అధికారులు వెల్లడించారు. మరణాల సంఖ్య మరింత పెరిగే అవకాశముందని తెలిపారు.
31 మృతదేహాలను వెలికితీశామని చెప్పారు.174 మంది ఆచూకీ తెలియాల్సి ఉందని పేర్కొన్నారు. తాత్కాలిక కేంద్రాల్లో ఆశ్రయం పొందుతున్న 28,400 మందికి సహాయ సామగ్రిని పంపిణీ చేశామని వెల్లడించారు. గల్లంతైన వారి ఆచూకీని కనుగొనడానికి 3,500 మంది పోలీసులతో సహాయ చర్యలు చేపట్టామన్నారు.
సుమత్రాలో భారీ భూకంపం సంభవించడంతో రోడ్లు దెబ్బతిన్నాయి. కమ్యూనికేషన్ లైన్లు పూర్తిగా తెగిపోయాయి. వేలాది భవనాలు, ఇండ్లు పూర్తిగా దెబ్బతిన్నాయి. నదులు ఉప్పొంగి ప్రవహించడంతో కొండ ప్రాంతాల గ్రామాలు కొట్టుకుపోయాయి.
పశ్చిమ సుమత్రా ప్రావిన్స్‌ లోని ఆగమ్ జిల్లాలోని మూడు గ్రామాల్లో దాదాపు 80 మంది ఆచూకీ తెలియడం లేదు.
