ఎండలు ముదురుతున్నాయి.. రెండు నిమిషాలు ఫ్యాన్.. ఏసీ లేకపోయినా.. బయటకు వెళ్లి వచ్చినా సరే చెమట కంపుకొడుతుంది. పక్కన కూర్చున్న వారు అసహనం వెళ్లగక్కుతుంటారు. ఇలా చెమట వాసన రాకుండా ఏం చేయాలో ఈస్టోరీలో తెలుసుకుందాం..
- ఒక టీస్పూన్ హైడ్రోజన్ పెరాక్సైడ్ లిక్విడ్ ను ఒక కప్పు నీళ్లలో వేసి, కలపాలి. ఆ నీళ్లలో శుభ్రమైన టవల్ ని ముంచాలి. చెమట ఎక్కువగా పట్టే బాహుమూలలు, పాదాల దగ్గర ఆ టవల్ తో తుడుచుకుంటే చెడు వాసనకు కారణమయ్యే క్రిములు పోతాయి.
- వర్కవుట్ డ్రెస్ ని ఎప్పటికప్పుడు ఉతుక్కోవాలి. లేదంటే చెమట పట్టిన వాటి మీద బ్యాక్టీరియా చేరి, శరీరం నుంచి చెడు వాసన వస్తుంది.
- రాత్రిపూట నిద్రపోయే ముందు బాహుమూలలు, పాదాలకి యాంటీపర్ స్పిరెంట్ రాసుకోవాలి. ఇవి రాసుకుంటే చెమట ఎక్కువ పట్టదు. వదులుగా ఉండే సాక్స్, షూ వేసుకోవాలి.
- నిమ్మరసం పిండిన బకెట్ నీళ్లలో కొంచెం సేపు పాదాల్ని పెడితే... వాటి చెమట వాసన పోతుంది.
- అంతేకాదుసమ్మర్ సీజన్లో రోజుకు రెండు సార్లు స్నానం చేయాలి. నీళ్లు బాగా తాగాలి. వేపుళ్లు, మసాలా ఫుడ్ ఎక్కువ తినొద్దు.
