సమ్మర్లో చాలామంది టూర్లకు వెళ్తుంటారు. అలాంటివాళ్లు ఎంఏకే అనే కంపెనీ తీసుకొచ్చిన ఈ పోర్టబుల్ ఫేస్ ఫ్యాన్ని వెంట తీసుకెళ్తే ఉక్కపోత నుంచి కాస్త ఉపశమనం దొరుకుతుంది. ఇది చూడడానికి చిన్న హెయిర్ డ్రయ్యర్లా ఉంటుంది. కానీ.. ఇందులోని పవర్ ఫుల్ బ్రష్‌‌‌‌లెస్ మోటార్ వల్ల చల్లని గాలి వస్తుంది. మోటార్ 10,000 ఆర్పీఎం స్పీడ్తో తిరుగుతుంది. బరువు కూడా తక్కువే కాబట్టి ఈజీగా చేతిలో పట్టుకోవచ్చు. దీనికి కాన్సంట్రేటర్ నాజిల్ ఉంటుంది. 4,000mAh బ్యాటరీతో వస్తుంది.
ఒకసారి ఫుల్ చార్జ్ చేస్తే 3–5 గంటలు వాడుకోవచ్చు. 2 గంటల్లో ఫుల్ చార్జ్ అవుతుంది. ఫ్యాన్ స్పీడ్, పవర్ లెవల్‌‌‌‌ను చూపించేందుకు దీనికి చిన్న డిస్ప్లే కూడా ఉంటుంది. సమ్మర్ ట్రావెలింగ్, క్యాంపింగ్, హైకింగ్, ఆఫీస్, అవుట్‌‌‌‌డోర్, ఇండోర్లో వాడేందుకు అనుకూలంగా ఉంటుంది. ఫ్యాన్కి మరోవైపు ఎల్ఈడీ లైట్ కూడా ఉంటుంది. ఇది ఇంట్లో కరెంట్ లేని అత్యవసర పరిస్థితుల్లో ఉపయోగపడుతుంది.
నానో పవర్బ్యాంక్
కొన్నిసార్లు బయటికి వెళ్లినప్పుడు చార్జింగ్ ఎంత ఉందో చూసుకోకుండా ఫోన్ వాడుతూనే ఉంటాం. ఒక్కోసారి ఫోన్ ఆఫ్ అయ్యేవరకు పట్టించుకోం. అలాంటి పరిస్థితుల్లో అర్జెంట్గా ఎవరికైనా కాల్ చేయాలంటే పరిస్థితి ఏంటి? అలాంటప్పుడు పోర్టోనిక్స్ కంపెనీ తీసుకొచ్చిన ఈ నానో పవర్బ్యాంక్ బాగా ఉపయోగపడుతుంది. చూడడానికి చాలా చిన్నగా ఉన్నా ఇందులో 5000 mAh పవర్ఫుల్ బ్యాటరీ ఉంటుంది. ఇన్‌‌‌‌పుట్, అవుట్‌‌‌‌పుట్.. రెండింటికీ టైప్ సి పోర్ట్‌‌‌‌లు ఉంటాయి. చిన్నగా ఉండడం వల్ల పాకెట్లో వేసుకుని వెళ్లిపోవచ్చు. బ్యాటరీ లెవల్ని చూపించేందుకు ఇందులో ఇన్బిల్ట్‌ ఎల్ఈడీ ఇండికేటర్ కూడా ఉంటుంది. పైగా ఈ పవర్బ్యాంక్ చాలా తేలికగా ఉంటుంది. ఫోల్డబుల్ టైప్ సి పిన్ ఉండడం వల్ల డ్యామేజ్ అయ్యే అవకాశాలు చాలా తక్కువ.
అలారం కీచైన్
ఆడవాళ్లు, పెద్దవాళ్ల దగ్గర ఒంటరిగా వెళ్లేటప్పుడు ఈ గాడ్జెట్ ఉంటే ప్రమాదాల నుంచి ఈజీగా తప్పించుకోవచ్చు. దీన్ని బిరుడ్ అనే కంపెనీ మార్కెట్లో అమ్ముతోంది. ప్రమాదం జరిగినప్పుడు లేదా ఏదైనా అనుకోని సంఘటన ఎదురైనప్పుడు ఈ గాడ్జెట్కి ఉండే సేఫ్టీ పిన్ని తీసేస్తే.. 130db సౌండ్తో ఎమర్జెన్సీ అలారం మోగుతుంది. దానివల్ల చాలా తక్కువ టైంలోనే సాయమందే అవకాశం ఉంటుంది. మళ్లీ సేఫ్టీ పిన్ పెట్టేవరకు అలారం మోగుతూనే ఉంటుంది. ఇది పోర్టబుల్ సైజులో ఉంటుంది. కీచైన్లా కూడా వాడుకోవచ్చు.
►ALSO READ | ఒత్తిడి పెరిగే కొద్ది సమస్యలు.. హైపర్ టెన్షన్ అవ్వొద్దు!
అంతేకాదు.. చీకటిగా ఉన్నప్పుడు ప్రమాదం జరిగిన చోటుని గుర్తించేందుకు దీనికి హై బ్రైట్‌‌‌‌నెస్ ఎల్ఈడీ ఫ్లాష్లైట్ కూడా ఉంటుంది. బటన్ నొక్కితే సైరన్ అలారంతో పాటు లైట్ కూడా వెలుగుతుంది. ఈ గాడ్జెట్ని యూఎస్బీతో రీచార్జ్ చేసుకోవచ్చు. ఇందులో 150mAh బ్యాటరీ ఉంటుంది. గంట చార్జింగ్ పెడితే 90 నిమిషాలు ఫ్లాష్లైట్, అలారం పనిచేస్తాయి.
