తొగుట, వెలుగు: పొద్దుతిరుగుడు పంటను కొనుగోలు చేయడంలో ప్రభుత్వం నిర్లక్ష్యం వహిస్తోందని ఆరోపిస్తూ మంగళవారం రైతులు రోడ్డెక్కారు. తొగుట మార్కెట్ యార్డుకు సన్ఫ్లవర్ పంట తీసుకొచ్చి 40 రోజులు గడిచినా కొనుగోళ్లు ప్రారంభించకపోవడంపై ఆగ్రహం వ్యక్తం చేశారు. దున్నపోతును వెంటబెట్టుకుని మార్కెట్ యార్డు నుంచి తహసీల్దార్ కార్యాలయం వరకు భారీ ర్యాలీ నిర్వహించారు.
దున్నపోతుకు వినతిపత్రం ఇచ్చి నిరసన తెలిపారు. అనంతరం తహసీల్దార్ కార్యాలయం ఎదుట ఆందోళన చేశారు. తహసీల్దార్కు కు వినతిపత్రం అందజేశారు. వీరికి సొసైటీ చైర్మన్ కె.హరికృష్ణా రెడ్డి, బీఆర్ఎస్ తొగుట మండల అధ్యక్షుడు జీడిపల్లి రాంరెడ్డి, వైస్ చైర్మన్ కుర్మ యాదగిరి తదితరులు సంఘీభావం తెలిపారు.
