ఆ రెండు టీముల్లో నిండా హిట్టర్లే.. గ్రౌండ్లోకి దిగితే పూనకాలే! ఇంకేముంది.. ఉప్పల్ వేదికగా సన్ రైజర్స్ హైదరాబాద్, పంజాబ్ కింగ్స్ మధ్య బుధవారం జరిగిన మ్యాచ్ క్రికెట్ ఫ్యాన్స్కు పసందైన విందును అందించింది. బంతి గాల్లోకి లేచిన ప్రతిసారీ ఫ్యాన్స్ సీట్లలో నుంచి ఎగిరి గంతులేశారు. బాదడమే లక్ష్యంగా సాగిన ఈ పోరులో హైదరాబాద్ ఘనవిజయం సాధించడంతో ఆరెంజ్ ఆర్మీ సంబురాలు అంబరాన్నంటాయి.
