తమిళ సినీ ప్రపంచంలో ప్రముఖ నటీనటులైన సూర్య, జ్యోతికల వారసత్వాన్ని అందిపుచ్చుకుంటూ.. వారి కుమార్తె దియా సూర్య మెగాఫోన్ పట్టింది. యువ దర్శకురాలిగా తొలి అడుగు వేసింది. దియా రూపొందించిన మొట్టమొదటి చిత్రం, డాక్యు-డ్రామా షార్ట్ ఫిల్మ్ 'లీడింగ్ లైట్' (Leading Light). ఈ వినూత్న చిత్రాన్ని వారి కుటుంబ బ్యానర్ 2D ఎంటర్‌టైన్‌మెంట్ నిర్మించింది.
తెరవెనుక మహిళల కష్టాలను చూపిన దియా
'లీడింగ్ లైట్' డాక్యుమెంటరీ , డ్రామా అంశాల మేళవింపుతో, బాలీవుడ్‌లో లైటింగ్ పరికరాలతో పనిచేసే మహిళా గాఫర్స్ జీవితాలను తెరపైకి తీసుకొచ్చింది. చిత్ర నిర్మాణంలో అత్యంత కీలకమైన భాగంలో ఉన్నప్పటికీ, తరచుగా గుర్తించబడని ఈ మహిళా సిబ్బంది పోరాటాలు, వృత్తిపరమైన సవాళ్లు, విజయాలను ఈ చిత్రం ఎత్తి చూపింది. తెరవెనుక కష్టపడే కార్మికుల కథలకు ఒక బలమైన వేదికను కల్పించాలనే లక్ష్యంతో దియా ఈ ప్రాజెక్ట్‌ను ఎంచుకుంది. తన మొదటి ప్రయత్నంలోనే సామాజిక ప్రాధాన్యత ఉన్న అంశాన్ని దియా ఎంచుకుంది.
ఆస్కార్ వైపు తొలి అడుగు!
దియా సూర్య కెరీర్‌కు ఈ చిత్రం అద్భుతమైన ఆరంభాన్ని ఇచ్చింది. ప్రస్తుతం ఈ షార్ట్ ఫిల్మ్ అమెరికాలోని లాస్ ఏంజిల్స్‌లో ఉన్న రీజెన్సీ థియేటర్‌లో ఆస్కార్ క్వాలిఫయింగ్ రన్ కోసం ప్రదర్శితమవుతోంది. సెప్టెంబర్ 26 నుండి అక్టోబర్ 2 వరకు ప్రతి రోజూ ఈ ప్రదర్శన జరగనుంది. దియా కొత్త ఆలోచన, బలమైన కథనానికి ప్రేక్షకులు, సినీ విమర్శకుల నుంచి ప్రశంసలు అందుకుంటోంది.
Also Read : నానిని ఢీకొట్టే 'శికంజా మాలిక్'
"దియా సూర్య దర్శకత్వంలో 2D ఎంటర్‌టైన్‌మెంట్ బ్యానర్‌పై 'లీడింగ్ లైట్' చిత్రాన్ని అందించడం మాకు సంతోషంగా ఉందని సూర్య, జ్యోతిక దంపతులు ఆనందం వ్యక్తం చేశారు. బాలీవుడ్ మహిళా గాఫర్స్ జీవితాలపై వెలుగు ప్రసరింపజేస్తున్న ఈ డాక్యు-డ్రామాకు మద్దతు ఇవ్వడం మాకు గర్వకారణమని తెలిపారు. ప్రముఖ నటీనటుల కుమార్తెగా సినీ రంగంలోకి అడుగుపెట్టిన దియా, యాక్టింగ్‌ను కాకుండా డైరెక్షన్ ఎంచుకోవడం, అది కూడా బలమైన కథాంశంతో రావడంతో ఆమె భవిష్యత్తు సినీ ప్రయాణంపై సినీ వర్గాలలో ఆసక్తి పెరిగింది.
#LeadingLight The untold stories of Women behind the scenes - A docu-drama that discusses the experiences of Women Gaffers of Bollywood. Screening for the 'Oscar qualifying run' at the Regency Theatre, LA, California ✨
— 2D Entertainment (@2D_ENTPVTLTD) September 26, 2025
Congratulations, our dearest #DiyaSuriya, on this… pic.twitter.com/84h9OSpz58
