లక్నో: సయ్యద్ మోదీ ఇంటర్నేషనల్ సూపర్ 300 బ్యాడ్మింటన్ టోర్నమెంట్‌‌‌‌లో ఇండియా వెటరన్ షట్లర్ కిడాంబి శ్రీకాంత్‌‌‌‌తో పాటు యంగ్‌ స్టర్స్‌ తన్వీ శర్మ, ఉన్నతి హుడా సెమీస్ చేరుకున్నారు.
శుక్రవారం జరిగిన మెన్స్‌ సింగిల్స్‌ క్వార్టర్స్‌‌‌‌లో శ్రీకాంత్ 21-–14, 11–-4 ఆధిక్యంలో ఉండగా ప్రియాన్షు రాజవత్ గాయం కారణంగా వైదొలిగాడు. మరో మ్యాచ్‌‌‌‌లో మిథున్ మంజునాథ్‌ 21-–18, 21-–13తో ఇండియాకే చెందిన మన్‌‌‌‌రాజ్ సింగ్‌‌‌‌ను ఓడించి సెమీస్‌‌‌‌లో శ్రీకాంత్‌‌‌‌తో పోటీకి సిద్ధమయ్యాడు. విమెన్స్ సింగిల్స్‌‌‌‌లో 16 ఏండ్ల యువ సంచలనం తన్వీ 21–-13, 21–-19తో సిన్ యాన్ హ్యాపీని ఓడించింది. ఉన్నతి హుడా 21–-15, 13–-21, 21–-16తో తోటి షట్లర్ రక్షిత శ్రీపై పోరాడి నెగ్గింది. డబుల్స్‌‌‌‌లో టాప్ సీడ్స్ పుల్లెల గాయత్రి – ట్రీసా జాలీ 21–-15, 21–-16తో ఐదో సీడ్స్ బెగిసు ఎర్సెటిన్‌–నజ్లికన్ ఇన్సి (టర్కీ)ని ఓడించగా.. మిక్స్‌‌‌‌డ్‌‌‌‌లో ట్రీసా– హరిహరన్ జంట కూడా సెమీస్‌‌‌‌లో అడుగుపెట్టింది.
