అతను అందంగా బొమ్మలేస్తాడు. ఆ బొమ్మలతో చైతన్యం కూడా తెస్తాడు. రీసెంట్గా సిరంజి బొమ్మలున్న ఆటోతో కరోనా వ్యాక్సినేషన్పై ప్రచారం
చేస్తున్న అతని పేరు గౌతమ్.
కరోనా కట్టడికి వ్యాక్సిన్ వేసుకోవడం ఎంత ముఖ్యమో చెప్పాలనుకున్నాడు చెన్నైకి చెందిన గౌతమ్. అతడి ఆలోచనకు చెన్నై మున్సిపల్ కార్పొరేషన్ చెయ్యి అందించింది. అప్పటికే, అతడు తన టీంతో కలిసి కరోనా వైరస్ ఆకారంలో ఒక ఆటో డిజైన్ చేశాడు. ఇప్పుడు ఆటోను కరోనా వ్యాక్సినేషన్ అవేర్నెస్ వెహికల్గా మార్చాడు. ఆటోకు లేత నీలం రంగు వేసి, ఆటో ముందూ, వెనకాల ఇంజెక్షన్ సిరంజ్, ఆటో మీద వ్యాక్సిన్ బాటిల్ బొమ్మ డిజైన్ చేశాడు. అందుకోసం వేస్ట్ పైపులు, పాత ప్లాస్టిక్ బాటిళ్లు, మరికొన్ని పనికిరాని వస్తువుల్ని వాడాడు. ఆటోకు ఉన్న మైక్ ద్వారా వ్యాక్సిన్, కరోనా జాగ్రత్తల గురించి చెబుతున్నాడు. ‘‘చాలామంది వ్యాక్సిన్ వేసుకునేందుకు భయపడుతున్నారు. ఈ స్పెషల్ఆటోతో వ్యాక్సిన్ ఇంపార్టెన్స్ని, ప్రచారం చేస్తున్నా” అంటున్నాడు గౌతమ్. ఈ ఒక్కటే కాదు సమాజంలో అవేర్నెస్ తేవాలనుకున్న ప్రతిసారి తన ఆర్టిస్టిక్ స్కిల్స్ ఉపయోగించాడు. కరోనా కేసులు పెరుగుతున్న టైంలో ‘కొవిడ్ హెల్మెట్’, ‘కొవిడ్ వెపన్స్’ వంటి క్యాంపెయిన్స్ చేశాడు ఈ ఆర్టిస్ట్.
ఇంజనీరింగ్ టు ఆర్టిస్ట్
మెకానికల్ ఇంజనీరింగ్ చదివిన గౌతమ్ ఆర్ట్ మీద ప్యాషన్తో దాన్నే కెరీర్గా ఎంచుకున్నాడు. ‘ఆర్ట్ నీకు అన్నం పెట్టదు’ అని అతడి నిర్ణయాన్ని కొందరు తప్పు పట్టినా, గౌతమ్కు తన మీద తనకు నమ్మకం ఉంది. మొదట్లో వాల్ఆర్ట్, రెసిడెన్షియల్ ఆర్ట్ వేసేవాడు. సొంతంగా ‘ఆర్ట్ కింగ్డమ్’ స్టార్ట్ చేశాడు.
ప్రొఫెషనల్ ఆర్టిస్ట్గా రాణిస్తూనే, సందర్భం వచ్చిన ప్రతిసారి తన ఆర్ట్ వర్క్తో జనంలో మార్పు తెచ్చేందుకు ప్రయత్నిస్తున్నాడు. ప్లాస్టిక్ వేస్ట్ మీద అవేర్నెస్ తేవడం కోసం 2019లో ‘వాక్ ఫర్ ప్లాస్టిక్’ క్యాంపెయిన్ స్టార్ట్ చేశాడు.
కరోనా హెల్మెట్
కరోనా మొదటి వేవ్ అందర్నీ ఇళ్లకే పరిమితం చేసింది. ఆ టైంలో లాక్డౌన్ డ్యూటీ చేస్తున్న పోలీసులతో కలిసి ప్రజల్లో కరోనా వైరస్పై అవగాహన పెంచాలనుకున్నాడు గౌతమ్.
పాత హెల్మెట్ను ‘కరోనా హెల్మెట్’గా డిజైన్ చేసి పోలీసులతో కలిసి అవేర్నెస్ డ్రైవ్ చేశాడు. ఆ తర్వాత కరోనా వైరస్ను పోలిన ఆటో, రోబో తీసుకొచ్చాడు.
ఇవేకాకుండా ‘హ్యాంగ్ ది రేపిస్ట్’, ‘నో మోర్ స్ట్రా’, ‘నో జిఎస్టీ ఫర్ శానిటరీ ప్యాడ్స్’ వంటి ఆర్ట్ వర్క్స్తో అందర్ని ఆలోచింపజేశాడు గౌతమ్.
అవేర్నెస్ కోసం...
‘‘నాకు ఆర్ట్ అంటే ఎంత ఇష్టమో, చెన్నై అంటే కూడా అంతే ఇష్టం. ప్రజలు బీచ్లో చెత్త పడేయడం చూసి ఊరికే ఉండలేకపోయా. ప్లాస్టిక్ వేస్ట్ సముద్ర జీవులకు ఎంత హాని చేస్తుందో నా స్టైల్లో చెప్పాలనుకున్నా. బీచ్లో కలెక్ట్ చేసిన ప్లాస్టిక్ బాటిళ్ల మూతలతో 23 అడుగుల తిమింగలం బొమ్మ (కిల్లర్ వేల్) తయారు చేసి చెన్నైలోని బీచుల్లో ప్రదర్శనకు పెట్టి, పర్యావరణాన్ని కాపాడుకోవడం ఎంత ముఖ్యమో వివరించా. ప్రజల్లో అవేర్నెస్ తేవాలి అనుకున్న ప్రతిసారి నా క్రియేటివిటీని ఉపయోగించేవాడిని” అని చెప్తాడు గౌతమ్.